يالليل

[بيت الطين]

من قصائد المرحة الثانية (الجديدة)


ياليل لو ان العيون اغمضنيه=ما لذ لي نوم عن العين عيا
ياليل لو ان الذيابة عونيه=اعوي عواهن والتوي واتهيا
ياليل لو سم الافاعي سقنيه=اهون من اللي صار غصب عليا
ياليل لو صوت الربابه خننيه=اجر صوت مثل صوته .. خطيا
ياليل لو ان النجوم احدرنيه=همي تعلا فوق نجم الثريا
ياليل لو ان الوحوش اسكننيه=في داخلي وحش سكن بي هنيا
ياليل لو كل الجروح استونيه=جرحي غدا بين المعاليق نيا
ياليل لو صكات بقعا وطنيه=لشكي لهن اللي طوى الحال طيا
ياليل لو كل العذارى شرنية=مابيع شي بالضماير تهيا
ياليل لو جمر الغضاة احرقنيه=ما زاد عندي بالسراجيف كيا
يا ليل خبر ناعم العود عنيه=قله ترا حبه شوا القلب شيا
يا ليل يا ليل السهارا اخبرنية=هو لي عن اللي صاب قلبي عزيا
ياليل خل القلب سرة دفنيه=بيني وبين القلب سر خفيا

وســــــلامتكم