اول بيت عشت فيه

[بيت الطين]

ملاعبنا

كانت ملاعبنا هنا=بين الحيور الوارقة
ايام تسقينا الهنا=مثل الزهور الشارقة

تجري وحنا غافلين=نحسب ليالينا تدوم
بالذاكرة عدة سنين=ما كنها الا ربع يوم

نلعب وحنا صغيرين=ما همنا الا لعبنا
واليا اقبل الليل الحزين=نادت علينا بوتنا

الشمس من بين الجريد=تبكي على اليوم اللي راح
تستبشر بيوم جديد=مع طلعت الشمس الصباح

اليوم نسخ من امسنا=روتين لكنه جميل
اطفال يجمع شملنا=فرحة مع اللعب الطويل

مرت ولكن الزمن=غداااااااار مايبقي بحال
راح الفرح جانا الحزن=ودارت بنا ايام طوال

جف القليب مات النخيل=والحلم ياليل طواه
وشدو هل البيت الرحيل=لارض بها سر الحياه

شدو وقلبي مولعن=بالديرة اللي عشتها
كنه برمح منطعن=ينزف هموم شلتها

عشنا بفلاة واسعة=لكنها اشبه بالسجن
عشنا حياة ضايعة=بعييييييد عن جو المدن

صارت هذيك ايامنا=ذكرى على متن الخيال
نبكي على اللي فاتنا=يرجع ولكنه محال

وســــــلامتكم