بيت ونص

[بيت القصيد]

السلام عليكم ورحمة الله وبركاته

أسعد الله اوقاتكم بكل خير

عقب موضوعي الأول (تعال كملنا) الله يذكره بالخير :093: فيه فكرة موضوع تنشط القسم والقريحة بعد ،،،

الصدز هي فكرتين وابشاوركم وانتم اختارو وش تبون .. وكان تبون كل الفكرتين نحط لكم كل فكرة بموضوع مستقل .

الفكرة الأولى : أكتب بيت ونص
ويجي اللي بعدي يكمل النص بحيث يكمل البيت بنفس الوزن والقافية والمعنى . واللي يتم البيت يكتب لنا بيت ونص واللي يجي بعده يكمل وهكذا ...

\

الفكرة الثانية : عكس الفكرة الأولى .
وهي اني اكتب شطر واحد واللي يجي بعدي يكمله ببيت ونص ، ومن ثم يكتب لنا شطر واللي بعده يكمله ببيت ونص وهكذا ..


كل الفكرتين فيها تنمية للموهبة وايضاً الكتابة على بحور لم يتطرق لها ،،

يعني فيها اكشن وتحدي بالإضافة إلى المتعة

وش رايكم وش نعتمد

\



:067:

[سكـور]

وعليكم السلام ورحمة الله وبركاته
أسعد الله مساك ي بدر
.
انا بصراحه اشوف الخيار الأول أحسن تكتب [ بيت ونص ] والي بعدك يكمل
والراي للاعضاء .. ونشوف أي خيار يحصل أصوات أكثر
،
مشكور يالعزوه / كلك نظر وربك

[- в 8 α ч α -]

م ـبدع يالبدر دايماً بافكارك
انا بعد احس الخيار الاول أحسسن <<عطيت رائي وانا مااكتب شعر :100:
بس كمتابعه ومتذوقه لما تكتبونه :043:
يعطيك العاافيه خيو :014:

[فهد الفوزان]

هلا بدر منور حايلنا


الفكرتين حلوات


وأنا أميل للفكره الأولى أكثر


الله يوفق الجميع ويسعدهم :014:

[Robin Hood]

والله الفكرتين كلهن تقدر تقول انهن سيم سيم بعض

لكن بالحيل طيبات


أنا مع الفكره الأولى بيت ونص علي وبيت ونص ع اللي بعدي وهكذا حتى تصبح قصيده ماله نهايه :003:


الله يبارك فيك

[!هيبة ملك!]

فكره حله سواء الاوله او الثانيه والله يعطيك العافيه ونشوف حروفكم تتساقط كالمطر علينا

[فن تآيم]

بس بالله لا تصعبون القآفيه ~

عشآن مآ يبلشون الأعضآء ~

فكره رآئعه بدر "

[بوح وجداني]

هلا بدر
هلا بالابداع كله
الفكرتين جميلات وهادفات وممتعات وووو وش الدنيا بليا بنات << هذي للسجع بس
اعتقد الفكره الأولى انسب
حتى يمدي الشاعر يستوعب البحر وياخذ عليه
وانت ابوهااااااااا وسمهاااااااا

لكن انا لي امنيه
ياليت اي عضو له محاولات شعريه يدخل بالموضوع ويشارك
موضوع مثل هذااا فيه فااااايده كبيره وتنميه للموهبه خصوصا ً لما يكون مع شعراء تمون عليهم وتقدر تاخذ وتعطي معهم بكل اريحيه

.....
ثبت الموضوع يامدير:014:
وتوكل على الله يابدر:014:


ا م ط خ

[ابراهيم الحربي]

ياسلام على الابداع يابدر


دايما افكارك مميزة


وحلو التجديد والابتعاد عن الروتين الفكرة الاولى حلوة


تحياتي يابو دانه

[ناعمه بس خوافه]

الفكره رااائعه

وانا اايد فكره بيت ونص

وعسااكم ع القوه

[بيت القصيد]

يالله انك تحييهم كلٍ بـ اسمه

بيض الله وجيهكم عل التفاعل ومشاركتي بآرائكم

إذاً نتوكل على الله ونقول الفكرة الأولى : بيت ونص

وياليت الكل يشارك ومثل ماقال ابو تركي البساط احمدي والخجل مانبيه ، كلنا نتعلم من بعض


توضيح للفكرة ..
المطلوب فقط تكتب شطر واحد ، يعني الفكرة ليست كتابة قصيدة ، الفكرة
أنا أكتب بيت ونص واللي بعدي يكمل البيت الناقص ، ومن ثم يأتي ببيت ونص ببحر أخر وقافية آخرى الكل حر فيما يكتبه ولكن الشرط فقط عند تكملة البيت الناقص يلزم التقيد بالبحر والقافية قد الإمكان ، ولا مانع من الاستشارة والأسئلة ، فهذه فرصة لاكتشاف المواهب وصقلها .

تطبيق للفكرة : مثلاً

اجي واقول :

الصبح ..! ماهو صبح من دون حسّك
.................... حـسّك غـدا عندي مع الصبح .. مبدا
بـسّـك ذحـبـك الـنوم .. يـابـنت بـسّك
.................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)


اللي بعدي يجي ويكمل الشطر اللي ناقص (على فرض إني أنا اللي بعد) <<< ابوك يالتحشيش هههههههههههه
اجي واكمل واقول :

الصبح ..! ماهو صبح من دون حسّك
.................... حـسّكك غـدا عندي مع الصبح .. مبدا
بـسّـك ذحـبـك الـنوم .. يـابـنت بـسّك
.................... (بالله قـومي .. خـلّي الـصـبـح يـبـدا)
\

ومن ثم يكتب بيت ونص أو بيتين ونص أو ثلاثة ونص أهم شي البيت الأخير يكون نص واللي بعده يكمل النص ، وهكذا ...
وما يمنع تطعيم الأبيات بشيء من التحدي بالبحر أوالقافية ، وماراح يصعب عليكم لا المطلوب منك تجيب شطر واحد فقط ^_*

\

باسم الله نبدأ :

الطـيـب مع بعض الأوادم .. خسارة
........................... كـالـحـنظلة مـا سـرّتـك لـو سـقـيته
كل ماسـقيته..! زدت فيها المرارة
........................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)


\
بانتظار ابداعاتكم

[بوح وجداني]

عشت يابدر عشت

:014:

الطـيـب مع بعض الأوادم .. خسارة
........................... كـالـحـنظلة مـا سـرّتـك لـو سـقـيته
كل ماسـقيته..! زدت فيها المرارة
........................... (واليا تركته .. قالت انك جفيته)
منشار ذو حدين .. ياكل نشاره
........................... مهما عطيته .. جاحد ٍ ماعطيته
لو له بطن ..لازم يحس بوزاره
........................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)




..

[بيت القصيد]

^
^

عاشت ايامك ياخلفهم :018:

\

الطـيـب مع بعض الأوادم .. خسارة
........................... كـالـحـنظلة مـا سـرّتـك لـو سـقـيته
كل ماسـقيته..! زدت فيها المرارة
........................... (واليا تركتـه .. قـالت انك جـفـيته)
منشار ذو حدين .. ياكل نشاره
........................... مهـما عـطـيته .. جاحد ٍ مـاعـطيته
لو له بطن ..لازم يحس بوزاره
........................... ( لـكـن رديّ .. ياعـل يـنـهـد بـيته)

\

أبو تركي شكل الفكرة ما اتضحت يا حيي .. ^_^
تبون نكملها قصيدة ؟
اللي كنت اقصده كل مشاركة بيت ونص ويكمل البيت الناقص وتنتهي ، ثم نبدأ بمشاركة جديدة بقافية جديدة .

\

يالـحالمي مـوعــدكم اللـيلة
............... موج الزعيم اليوم سونامي

ادري فـقـارى مـالـكم حيله
............... (؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

هلا بدر
ايه الحين فهمت عليك
وكذااا احسن واسرع
تسلم حبيبي:014:
...

يالـحالمي مـوعــدكم اللـيلة
............... موج الزعيم اليوم سونامي

ادري فـقـارى مـالـكم حيله
............... ( اعذاركم طعنن بحكامي)


/ /
/ /


حبيبتي/ والجفا يصنع لنا فجوه
............... يضيع صوتي ولاتوحين احساسي
حبيبتي/ جربي تتقدمي خطوه
............... ( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[ناعمه بس خوافه]

صحة السنتكم جميع

متاابعين

[Robin Hood]

حبيبتي/ والجفا يصنع لنا فجوه
............... يضيع صوتي ولاتوحين احساسي
حبيبتي/ جربي تتقدمي خطوه
............... ( تعبت أنا من جفاك وضاقت انفاسي)



وناسه / وغيوم وأجواء ممطوره
......................... يالله عساها تجتمع عند خلي
وتعطيه خيره وتبعده عن شروره
........................ (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)











حبيت أشارك ولا لاجينا الصدز ماأوصل مستواكم ولاني حولكم
بس نتعلم منكم
ولا تبخلون علينا بتوجيهكم

[بوح وجداني]

منورين
واحلا تشريفه ياروووبن:067:

وناسه / وغيم وألاجواء ممطوره
......................... يالله عسى ماطره ديم ٍ على خلي
وتعطيه خيره وتبعد عنّه شروره
........................ ( يفداه قلبي وعيني/ وان بغى كلي)

/

/

/

بيض الله وجه الايام .. ياباب
......................... كم كنت اظنك تنفتح لا لفيتك
ماكنت ناوي بس انا عندي اسباب
........................ (؟؟؟؟؟؟؟؟؟؟؟؟؟؟؟؟؟؟؟؟؟؟؟)

[فهد الفوزان]

الله الله على الشعر والمشاعر

مبدعين كلكم فديت اعماركم


بيض الله وجه الايام .. ياباب
......................... كم كنت اظنك تنفتح لا لفيتك
ماكنت ناوي بس انا عندي اسباب
........................ ( ولو هو نساني الدرب لا ما نسيتك )


/
.
/


لمحت لك .. ما تفهم التلميح
....................... الله يساعدني على صدك
يعني تبيها ( يالغلا ) تصررريح
....................... ( ؟؟؟؟؟؟؟؟؟؟؟؟؟؟؟؟؟؟؟ )



الله يسعد الجميع ويحميهم :067:

[بوح وجداني]

منور يافهد وصح لسانك
:027:

لمحت لك .. ما تفهم التلميح
....................... الله يساعدني على صدك
يعني تبيها ( يالغلا ) تصررريح
....................... ( لاواهني من باسك بخدك)
/
/
/


لبى شفاته لاتبسم لي
....................... ااروح انا ملح ٍ بكبايه
ياويل حالي يوم تمتم لي
....................... ( ؟؟؟؟؟؟؟؟؟؟؟؟؟؟؟؟؟؟؟ )

:027:

[فهد الفوزان]

هلا بوحنا النور نور عنونك وه بس

/
/


لبى شفاته لاتبسم لي
....................... ااروح انا ملح ٍ بكبايه
ياويل حالي يوم تمتم لي
....................... ( استسلم وارفع له الرايه )


/
.
/


يا بارده .. ملت سنيني تجافيك
،،،،،،،،،،،،،،،،،،،،،،، يا مطنشه روفي بقلبي وحالي
إن كان زينك يا رجا العمر مطغيك
،،،،،،،،،،،،،،،،،،،،،،، ( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ )



عوافي للكل :067:

[بوح وجداني]

هلا وغلا
ا م ط خ
..

يا بارده .. ملت سنيني تجافيك
،،،،،،،،،،،،،،،،،،،،،،، يا مطنشه روفي بقلبي وحالي
إن كان زينك يا رجا العمر مطغيك
،،،،،،،،،،،،،،،،،،،،،،، ( مع السلامه /واتركيني بحالي)

/
/
/

اموت في حبك ولازم تعرفين
،،،،،،،،،،،،،،،،،،،،،،، ماللغلا ميزان ياسع غلاتك
مدري فهمتيني او انك تغيبين
،،،،،،،،،،،،،،،،،،،،،،، ( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ )

:018:

[انا هو انا]

فكره رائعه تسلم يالبدر

ولي عوده

[بيت القصيد]

ارحبووووووا

مبدعين يالبى قلوبكم

ارحب ياماجد الحمد لله ع السلامة ..

اموت في حبك ولازم تعرفين
،،،،،،،،،،،،،،،،،،،،،،، ماللغلا ميزان ياسع غلاتك
مدري فهمتيني او انك تغيبين
،،،،،،،،،،،،،،،،،،،،، (والا أنا عجزت لادخل حياتك)

\
/

حـبـيـت ابـارك للهلال الـبطولة
.................. اللي خـذاهـا بـدون أيّـة خسارة

هذا زعـيمك يـآسيا من يطوله ..؟
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)


^_^

[آحـــزان]

حـبـيـت ابـارك للهلال الـبطولة
.................. اللي خـذاهـا بـدون أيّـة خسارة

هذا زعـيمك يـآسيا من يطوله ..؟
.................. (وافرح وغني يالنصر بالحسره؟)

هذا من زود القهر :089:
خبصتكم اللي يجي يحط بيت حلو غير هالمروح :022:

[بيت القصيد]

حـبـيـت ابـارك للهلال الـبطولة
.................. اللي خـذاهـا بـدون أيّـة خسارة

هذا زعـيمك يـآسيا من يطوله ..؟
.................. (وافرح وغني يالنصر بالحسره؟)

هذا من زود القهر :089:
خبصتكم اللي يجي يحط بيت حلو غير هالمروح :022:

ههههههههههههههههههههههههه

ياحول يا هالنصر اللي حاشرينه بكل مكان ههههههههههههههههههههههههه

حياك يا أحزان الشطر عندك زين بس يبيلك تضبطين القافية على (آره)

[شـمـر]

متآبعه بقوووه , ..

* سلمت يمنآك ي بيت القصيد .

[بيت القصيد]

^
^

الله يسلمك يا شمر

ما نبيك متابعة

نبيك مشاركة بالموضوع

ونبي الكل يشارك

[بوح وجداني]

يالله ابكمل عن اللي بخاطر احزان
:025:

حـبـيـت ابـارك للهلال الـبطولة
.................. اللي خـذاهـا بـدون أيّـة خسارة

هذا زعـيمك يـآسيا من يطوله ..؟
.................. (مافوقه الا عالمي الصداره)

/
/

تبسمت لي /وابتسم له خفوقي
.................. واللي ضحك من ضحكتينا زمنّا
حاولت ابلل من غلاها عروقي
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)


:014:

[بيت القصيد]

^
^
هههههههههههههه كريم يابو تركي


تبسمت لي /وابتسم له خفوقي
.................. واللي ضحك من ضحكتينا زمنّا
حاولت ابلل من غلاها عروقي
.................. ( لـكـنـهـا غـابت وقـلبي تـعـنّا )

\

كـل مـا جـيت اقـرب لك .. تـعـوّد ورى
...................... ليش ..؟ ما عاد عندك ياوليفي ثـقه ..!

يـعـني عـاجـبـك قـلـبي نايمٍ بالـعرا ..؟!
..................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

8
8

ياخي مامليتوووو من البطولات
عطوووو سداح فرصه خخخخخخخخ



كـل مـا جـيت اقـرب لك .. تـعـوّد ورى
...................... ليش ..؟ ما عاد عندك ياوليفي ثـقه ..!

يـعـني عـاجـبـك قـلـبي نايمٍ بالـعرا ..؟!
..................... (احضنه والا تكرم ياحياتي واحرقه)

//

//

في شفاهك عتاب/ وفي عيونك سهام
...................... في خفوقي رسالة شوق وعيوني بريد
اصبر اصبر لاتعاتب/ممكن ابدى بالسلام؟

..................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[ابراهيم الحربي]

ياسلام عليكم




في شفاهك عتاب/ وفي عيونك سهام
...................... في خفوقي رسالة شوق وعيوني بريد
اصبر اصبر لاتعاتب/ممكن ابدى بالسلام؟
....................................... (بعدها شق الخفوق وينزف احساس الوريد)//
//


كل ماجيت ابنسى يا حبيبي هواك .. اتذكر وفاك ولاني اللي نسيت
شـف عيوني تحدر دمعها مـن غلاك .. (....................................)

[آحـــزان]

تسلم يا ابو تركي ياجعل هاللسان مايجي النار


كل ماجيت ابنسى يا حبيبي هواك .. اتذكر وفاك ولاني اللي نسيت
شـف عيوني تحدر دمعها مـن غلاك .. (يرخص الدمع عشانك لو تناسيت)
يمكن خربطت عليكم :022:
بس صلحوا لي عشان اتعلم منكم :120:

ياليت لي قلب يقوى على فرقاك.. والله لا اصد عنك مسافات
بس البلاء قلبي عشق طيب ذكراك.. (.........................)

:120:

[بوح وجداني]

تسلم يا ابو تركي ياجعل هاللسان مايجي النار
الله يسلمك وجزاك الله خير

كل ماجيت ابنسى يا حبيبي هواك .. اتذكر وفاك ولاني اللي نسيت
شـف عيوني تحدر دمعها مـن غلاك .. (يرخص الدمع عشانك لو تناسيت)
يمكن خربطت عليكم :022:
لازم الخربطه عشان كلنا نستفيد
بس صلحوا لي عشان اتعلم منكم :120:
طيب نصلح وتابعي معنا
مانكرر القافيه ونحاول نلحن الشطر ونطبق اللحن على الشطر الثاني
00
كل ماجيت ابنسى يا حبيبي هواك .. اتذكر وفاك ولاني اللي نسيت
شـف عيوني تحدر دمعها مـن غلاك ..(يرخص الدمع لجلك ياحبيبي لاطريت)
/
/

ياليت لي قلب يقوى على فرقاك.. والله لا اصد عنك مسافات
بس البلاء قلبي عشق طيب ذكراك.. (.........................)
نعدل عشان نمشي صح :
0
ياليت قلبي يطاوعني على الفرقا..ارحل ولا انتظر حتى تفارقني
بس البلا لاذكرتك خافقي يشقا..(؟؟؟؟؟؟؟؟؟؟؟؟؟؟؟؟؟؟؟؟؟؟)

:120:


:067:

[بيت القصيد]

مساء الشعر والإبداع
لا عدمنا هذا التفاعل
\



ياليت قلبي يطاوعني على الفرقا
.................. ارحـل ولا انـتظر حـتى تفارقني
بس البلا لاذكرتك خافقي يـشقا
................. (واقول ليته يجي عندي يعانقني)

\

الـضيقه اللي عانقتني من الصبح
...................... حـاولت اروّحـها وعــيّت تـروحي
وش حيلة اللي مالقى بالفرح ربح
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

عاااشوو

الـضيقه اللي عانقتني من الصبح
...................... حـاولت اروّحـها وعــيّت تـروحي
وش حيلة اللي مالقى بالفرح ربح
...................... (لاقال ابفرح ماتطيع الجروحي)
/
/
/


ياناعس الطرفين ياناعم الخد
...................... احذر من الجو السعودي يخدشك
ياورد لاتطلع ترى الحر مشتد
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

:067:

[انا هو انا]

ياناعس الطرفين ياناعم الخد
...................... احذر من الجو السعودي يخدشك
ياورد لاتطلع ترى الحر مشتد
...................... (ولا يجيك التيس غدر ويعــرشك) :025:

-----------------------------------------


لا والــذي حطك بقلبي حبيبه=انك معي في غيبتي مانسيتك

وانك طوال الوقت عندي قريبه=........................................

[بوح وجداني]

8
اما يعرشك خخخخخخخخخخخخخخخخخخخخخخ

..


لا والــذي حطك بقلبي حبيبه=انك معي في غيبتي مانسيتك

وانك طوال الوقت عندي قريبه=عايش هنا لكن خفوقي فبيتك

/
/


احب فيك اسمك وطبعك والاوصاف
...................... واللي كرهته فيك / ظل ٍ يباريك
خليه يبعد .. لا اتوطاه بالقاف
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

:067:

[بيت القصيد]

احب فيك اسمك وطبعك والاوصاف
...................... واللي كرهته فيك / ظل ٍ يباريك
خليه يبعد .. لا اتوطاه بالقاف
...................... (اغـار مـنـه كل مـا حل طاريك)

\
/

كل مـا مر طـيفك يـا سـمي الـغـزال
........................ جمرة الشوق تشعل ما خمد بالحشى
آآه لـيت الـوصـل من بـيـننا لا يزال
........................ (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

عاشووووووووووووو:018:

كل مـا مر طـيفك يـا سـمي الـغـزال
........................ جمرة الشوق تشعل ما خمد بالحشى
آآه لـيت الـوصـل من بـيـننا لا يزال
........................ (ليت مزن التلاقي مع وجودي نشا)

/
/

زلزلي كل الظروف اللي تفرق بيننا
........................ ضاعت ايامي اقرّب لك وعني تبعدين
انطرك في وادي احلام ٍ جرابه حبنا
........................ (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

:067:

[بيت القصيد]

صح نبضك وعاشت ايامك يا بوح :027:


زلزلي كل الظروف اللي تفرق بيننا
........................ ضاعت ايامي اقرّب لك وعني تبعدين
انطرك في وادي احلام ٍ جرابه حبنا
........................ (واديٍ ينهال سيله لا تشابكنا اليدين)

\


قـالـوا ان الـنـجـوم تـقـدّي اللي يـضيع
...................... وش يـقدّي غشيمٍ في هوى الغيد ضاع
لايمي بالهوى ..! لو شفت شوفي تبيع
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

صح نبضك يالبدر
/
قـالـوا ان الـنـجـوم تـقـدّي اللي يـضيع
...................... وش يـقدّي غشيمٍ في هوى الغيد ضاع
لايمي بالهوى ..! لو شفت شوفي تبيع
...................... (تدري ان المحبه تامر وامره مطاع)



/
/
الحلااااااااا سكر زياده , والتغنج سكرك
...................... تشربك عيني , وقلبي من غلاتك يرتعش
عاشقك مدمن وصوفك /والمحاني تسكرك
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)


:067:

[بيت القصيد]

الحلااااااااا سكر زياده , والتغنج سكرك
...................... تشربك عيني , وقلبي من غلاتك يرتعش
عاشقك مدمن وصوفك /والمحاني تسكرك
...................... (الخلاصة..! كل ما حس بوجودك ينتعش)

/

شعرك و عينك والخشم والشفايف
....................وعنقك وصدرك والخصر وايضا الارداف
البال فيها يا هوى البال .. كايف
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

شعرك و عينك والخشم والشفايف
....................وعنقك وصدرك والخصر وايضا الارداف
البال فيها يا هوى البال .. كايف
...................... (والعين ماتبغى سوى حسنك اوصاف)
/

/

/
حبيبي لاتهمك ضيقتي لاشفتني ضايق
....................وجودك في حياتي /ياحياتي يطرد الضيقه
ترى لو ماتقاطعني تلاقي خاطري رايق
...................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)


:067:

[بيت الطين]

حبيبي لاتهمك ضيقتي لاشفتني ضايق
....................وجودك في حياتي /ياحياتي يطرد الضيقه
ترى لو ماتقاطعني تلاقي خاطري رايق
...................... (اغني لك من الحوني .. واجاوبها بتصفيقة)






زد في عذابك يا هوى البال زدني
.................... ويزيد بالخفاق حبك زيادة
سلهم بعينك والله اللي قردني
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

عاااااااااشو
:018:

زد في عذابك يا هوى البال زدني
.................... ويزيد بالخفاق حبك زيادة
سلهم بعينك والله اللي قردني
.................. عيني تشوفك واحتظن لي وساده
/
/

يابسمته ياوجنته ياعيونه
.................... حظ المرايه كلما قابلتها
قولو لها مشاعري يحترونه
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

:067:

[بيت القصيد]

راااااااائع

يابسمته يا وجنته ياعـيونه
.................... حـظ الـمرايه كـلـما قـابـلـتـهـا
قولو لها مشاعري يحترونه
................... ( تلحق عليها دامها اللي بلتها)

\

اصـعـب شـعـورٍ تـعـيـشـه بالـزمـن هـذا:006:
.................. انـك تـحب وحبـيبك ما درى عـنّك:008:
تخاف لا بحت له يقول لك : (ماذا) ..!!؟:007:
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

اصـعـب شـعـورٍ تـعـيـشـه بالـزمـن هـذا:006:
.................. انـك تـحب وحبـيبك ما درى عـنّك:008:
تخاف لا بحت له يقول لك : (ماذا) ..!!؟:007:
.................. وتقول : ياليت احاسيسي تعدنّك :013:
/
/

لابارك الله بصناع المساحيقي
.................. غشو عيون الهواوي واندفع كله
اخت القمر عنزة ٍ والزين تلفيقي
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

:067:

[بيت الطين]

لابارك الله بصناع المساحيقي
.................. غشو عيون الهواوي واندفع كله
اخت القمر عنزة ٍ والزين تلفيقي
.................. (لو غسلت وجهها شينه بدا كله)

:067:

بنيت بيت ونص من فكرٍ مشوّش
.................. فيه اشترك بمسابقة بيتٍ ونص
مع رفقةٍ كل بدلوه حاش حوّش
.................. (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)
:067:

[بيت القصيد]

صحت السنتكم وعافاكم الله
ناسيٍ هالموضوع :006:
\


بنيت بيت ونص من فكرٍ مشوّش
.................. فيه اشترك بمسابقة بيتٍ ونص
مع رفقةٍ كل بدلوه حاش حوّش
.................. ( شعّار وكلٍ للفريدات يقنص )

\


من شَعَرها .. ياخذ الليل السواد
.................... ومن ثَغَرها .. كل زهره استحت

لاحـكت .. لـبى لـها حتى الجماد
.................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

صحت السنكم
:067:

من شَعَرها .. ياخذ الليل السواد
.................... ومن ثَغَرها .. كل زهره استحت

لاحـكت .. لـبى لـها حتى الجماد
.................... ( وبسكوته نظرة العين ذبحت )

/

الا ياسموم الصيف انا منك متملل
.................... متى بارق الوسمي يضّوي سما بقعا

ابي كل ملموس ٍ بالامطار متبلل
.................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بيت الطين]

مبروك عيكم الشهر الكريم

الا ياسموم الصيف انا منك متملل
.................... متى بارق الوسمي يضّوي سما بقعا

ابي كل ملموس ٍ بالامطار متبلل
.................... (وأشوف الشغايا والخباري بها النقعا)


بمناسبة شهر الخير والبركة


هل رمضان وهل تبريك الاحباب
....................مبروك يالغالين شهر رمضانِ

أشقا شقي اللي تعدا ولا تاب
.................... (؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[بوح وجداني]

تقبل الله يابو عزوز

هل رمضان وهل تبريك الاحباب
....................مبروك يالغالين شهر رمضانِ

أشقا شقي اللي تعدا ولا تاب
.................... ( عسى مآلي عاليات الجنان )

/
من الصادق من الكاذب من المخطي من الصايب
.................... من الواضح من الغامض من الظالم من المظلوم
زماني .. مالي ومالك / ولكن قاله الشايب
.................... ( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)

[ابراهيم الحربي]

صباح الخير للجميع





/
من الصادق من الكاذب من المخطي من الصايب
.................... من الواضح من الغامض من الظالم من المظلوم
زماني .. مالي ومالك / ولكن قاله الشايب
.................... ( دوام الحال للخالق وربي كاتب المقسووووووم)

[ابراهيم الحربي]

نسيت احط البيتين :117:



خيالك مايفارقني ابد في كل وقت وحين
________________ خيالك مايفارقني وانا نايم وانا صاحي
عظيم الشوق لا منه جمع مابين عين وعين
________________ (...............................................)

[بيت الطين]

خيالك مايفارقني ابد في كل وقت وحين
________________ خيالك مايفارقني وانا نايم وانا صاحي

عظيم الشوق لا منه جمع مابين عين وعين
________________ ( يولف بين قلبينٍ لهن مسرح ومرواحي)


استلمو واسلمو

نبي نحرك الصفحة نبي نتابع الموضوع
.................... علام القرايح ساكنه ما تطاوعنا
عطونا من اخبار الغلا .. والحيا متبوع
.................... ( ؟؟؟؟؟؟؟؟؟؟؟؟؟؟؟؟؟؟؟؟؟؟؟)

[ابراهيم الحربي]

عشت يابو عبدالعزيز


نبي نحرك الصفحة نبي نتابع الموضوع
.................... علام القرايح ساكنه ما تطاوعنا
عطونا من اخبار الغلا .. والحيا متبوع
.................... (نبي نعايش الفرحة ونترك مواجعنا )


________________________________________

فـاح عـطر الكلام وفـاح عطر السنين
..................... وانت يالحب غايب في عيون الزمان
مابقى من وصالك غير شوق وحنين
.......................(؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟)