المفقود

[بيت الطين]

من القصائد القديمة


من عقب فقدك فقدت العقل ياعيني=ابيح سدي لصدقاني وعدواني
يانور عيني ترا فقدك معنيني=ما ترحم القلب يوم القلب ولهاني
ياما عيوني ليه ما انته تراعيني=ما ادري وش اللي على بالك وتنساني
ياروح روحي بلاماكم تمنيني=بايام كنا بها يازين صدقاني
واليوم وينك بدارك وانا ويني=ما ضنتي يلتقي واحد مع الثاني
عزي لحالي ان كان الود مشقيني=والشاهد الله على حبك وبرهاني
اما حصل يابعد روحي تسليني=من هو من البيض يبعد كل الاحزاني
الهقوة اني غديت من المجانيني=ومجنون ليلى سبقني بماض الازماني


وســــــلامتكم