عزي

[بيت الطين]

من القصائد القديمة


البارحة يا عل ربي يعوده=ما شفت في عمري مثيلة وحلياه
عزي لقلب مايبيح سدوده=مير القدر بيح سدوده وعناه
وعزي لقلب فيه كثرت لهوده=ليت القدر جاله على الكيف وارضاه
وعزي لقلب ما يبن جهوده=ليت القدر بين له الدرب ما اعماه
وعزي لقلب طاح من غير جوده=ليت القدر يم المحبين وداه
وعزي لقلب فيه بيضه وسوده=عيت له الاقدار تفرج لماجاه
وعزي لقلب يا خذنه نجوده=يبكي ويبكاله عسى الويل ما جاه
اسهر الين الصبح بين عموده=وابكي واهل الدمع من حر فرقاه
واون ونة قمري فوق عوده=او ونة اللي راح ساقه وماطاه
على الذي حبة بقلبي رعوده=تشبه رعود الماطر اللي نثر ماه
الله على يادحيم مسكة نهوده=والله على قربه ومصة شفاياه
يا دحيم وش رايك حبيبي يعوده=والا خلاص ويكفي القلب ما جاه
لولا الحيا لا قول ماريد زوده=وا صيح عال الصوت ويلاه ويلاه
خلاص من حب تخونه شهوده=ماريد انا يازين حب بتمضاه


وســــــلامتكم