سلام

[بيت الطين]

من القصائد القديمة

ارجوك يالابس حسين الهدومي=تسمع كلام اللي بدا بالكلاما
ارجوك تنصت لي وتسمع علومي=على لسان اللي يوصل سلاما
الصاحب اللي باللوازم يقومي=عز الصديق اللي رفيع المقاما
قلبي من الفرقا يطيح ويقومي=واسباب مابه من مشا كالحماما
من يوم شفته ماتهنى بنومي=والنوم عن عيني بعيد المقاما
ارحم مريض جرحته الهمومي=هموم الهوى اللي صار فيها الكلاما
اوجست قلبي فيه مثل السمومي=نار تزايد باللحم والعظاما
او كن في قلبي شظايا النجومي=ليا ولعت بالنار وسط الظلاما
عليك ياللي بالوصايف يشومي=على العذارا بالمدن والعداما
كانك على هالحال تبغى تدومي=فالقلب مني مخطر بالعداما
وش هالجفا يالبدر وغيرك نجومي=ماهو عليكم ياحياتي حراما
ارجوك ياعل الرجا مايدومي=وتر الرجا من بعد وصلك هداما
والخاتمة لاياحسين الهدومي=عليك مني كل يوم سلاما

وســــــلامتكم