بويتات طينية

[بيت الطين]

من قصائد المرحة الثانية (الجديدة)
الخل


اليا صار لك خل مع الناس يغليك=واليا طلبته حاجة ما يمنة
اللي اليا جا الليل عندك يسليك=نوب يبيح الحب ونوب يكنه
اللي اليا بان الزعل منك يرضيك=يرخص لك الغالي على حسن ظنه
فصل الشتا حضنه عن البرد يدفيك=والصيف يظهرلك برادة بفنة
له خمة عن باقي البيض تغنيك=وله ضحكة تسحرك لابان سنه


وســــــلامتكم

[بيت الطين]

الحروف


رتبي قلبي على حروف الهجا=واشرحي بالحب صعب المفردات
وامزعي بالياس من حبل الرجا=واربطي به ما بقى من ذكريات
واشعلي نيران حبي بالدجا=واحرقيني بالغلا قبل الممات
ياغزال ما لحبه ملتجا=شدني وازريت عنه الانفلات
صوبتني واهني اللي نجا=من سهوم عيون نجل ناعسات
طالبك يالله حسن المخرجا=من جروح بالضماير موغلات
بالحشا يازين حبك لجلجا=اشغل التفكير عن كل البنات



وســــــلامتكم

[بيت الطين]

الحزوم



ليه يابو رباح تذكرن بالمطار=ليه تنبش جروح بالحشا موغلات
لو صعدنا الطعوس او طلعنا مشار=او جلسنا بظل جبالها الشامخات
ما تعوض عن احزوم بهاك الديار=ولا يهز المشاعر غيرها بالحياة
ليت ربي يسوق الها السحايب كثار=تلبس اللون الاخضر ويزهر بها نبات
ياسنين مضت لي في ديار العمار=ليت منهو يرد ايامنا الماضيات



وســــــلامتكم

[بيت الطين]

الخليل



يقول اللي لعا يشكي خليلة=يبي يسلا وهو ماهو بسالي
يناجي كل ورقا شال شيلة=يبادله الونين بصوت عالي
سعيد الحظ منهو بات ليلة=خلي القلب من جور الليالي
وانا قلبي همومه به طويلة=من ايام الغلا كله لغالي
شربت من الهوا جغمة قليلة=وزاد بي الولع عزي لحالى



وســــــلامتكم

[بيت الطين]

الامرار


حدتني الدنيا على شرب الامرار=ياليتني ماذقت للحب مطعوم
على وليف احرق القلب بالنار=اقفا وخلاني من الحب محروم
ابكي من الفرقا على غض الازبار=ايوالله ابكي ناعس الطرف كل يوم
ياما سقاني من ثناياه مقدار=اروي غليلي منه لا صرت مهموم
ياما سقيته من زماليق الازاهار=أرويت منه مدملجات ومختوم


وســــــلامتكم

[بيت الطين]

المشوار


ااه وا ويلاه من هم جديد=صابني من يوم محبوبي رحل
سافر ومشوار محبوبي بعيد=ابتعد عني وانا مالي امل
من فراقه صرت بالدنيا وحيد=ما لقيت من البشر للخل حل
يوم كان اصويحبي عندي سعيد=ويوم راح اصويحبي دمعي همل


وســــــلامتكم