برقيات

[بيت الطين]

من قصائد المرحة الثانية (الجديدة)



يالله ياللي وعدت المسلم الجنه=ومن اشرك الله له النار يتلضى به
يالله انا طالبك منهاجي السنه=ومن خالف المصطفى عند الله عقابه
يالله لك الحمد والتمجيد والمنه=اللي خلقتن بدار العز واصحابه
الله اكبر ضلوعي ما يشيلنه=همٍ على الصدر صبح به ومسى به
له مدةٍ والضلوع العوج يشكنه=ما كنه الا جبل حاتم تدربا به
من هاجسٍ زادني ونه على ونه=ادير الافكار بالتكرار واقرابه
قالو لي الناس ليه بشوفتك منه=مالك مع الناس شوفات ولا جابه
لمحت للي يلوموني على الكنه =اشرح لهم حالتي وابين اسبابه
اشيل همي بخفاقي وابا كنه=واصبر على علتي وابحسب حسابه
ما عاد ينفع طبيب القلب بفينه=ولا عاد تنفع تحاليله وتطبابه
وما ينفع الطب وجموعه يسوقنه=وما ينفع اهل القراوي حفَّظ كتابه
بي علتٍ من فعول الناس يشعنه=ابشرح اللي عليه اقدر واببدابه
احدٍ يصف الكلام بذوقه وفنه=يبني على كذبتة مبناً تعلابه
واحدٍ اليا من لقيته يضحك بسنه=واليا تذرى عنك حشك بمخلابه
واحدٍ يفسر كل كلمة على ظنه=قلب الحقايق غدا لبسة وجلبابة
واحدٍ يجدع كلامٍ دبش به غنه=يسب هذا ويشذب ذاك ويجابه
واحدٍ اليا شاف عندك نعمةٍ كِنه=من الحقد والحسد قلبة فيه طلابه
واحدٍ بهرجة تحسب انه تحسب انه=يسرق وينهب ويفتح للعرب بابه
واحدٍ يغثك بثقل الدم لامنه=سير ويابرد احاسيسه واعصابة
واحدٍ لحب المظاهر شايلٍ فنه=قدام ربعه وهو طبله وطنابه
واحدٍ تشيلة بمعروفك ولكنه=اليا قضا حاجته معروفك اقفابه
واحدٍ اليا احتاج لك يجرها ونه=ولاصار حاجتك عنده غلق ابوابه
واحدٍ يغالط غلاطٍ والغلط منه=من دون راية يشوف الناس كذابه
واحدٍ تبجح بافعالٍ يشيننه=مع بايعات الهوى ياشين ما جابه
واحدٍ يشوف العرب في عينٍ مصنه=متكبرٍ شايفٍ حالة على اصحابه
واحدٍ ردي القدا ما ينشد عنه=يامر وينهى وتنبح حوله كلابه
واحدٍ يروم المعالي خايبٍ ضنه=البهرجة ما ترقي عالي اهضابه
واحدٍ يجمع فلوسٍ ما يفيدنه=فكر بدنياه كيف يجمع احطابه
واحدٍ يمدد يدينه بالكرم وانه=ويعوض النقص عنده سرق ونهابه
واحدٍ تبرا من شيوخٍ على السنه=اللي على الشرك واهل الشرك حرابة
يلومني جاهلٍ بالناس وبفنه=ناسٍ تعدو حدود الخير نصابه
تفننو في دروبٍ مغتني عنه=مالي ومال الخلايق ربي اولابه


وســــــلامتكم