ﻻ تصون اللي يخون وﻻ تـوده
اتركه وانساه ﻻ تشفق عليه العمــر ﻻ راح ما تقــدر تــرده والوفا ماهوب سلعه تشتريه |
تعـدد الاسبـاب والبعــد واحــد
كلن يجـيب اعـذار فـرقا خليله لكن بدون اسباب والخل جاحد يصبح لهيب البعــد هم ومليله |
عـروس ياحايل عـروس
والثــوب الابيض غيمتك حبك سطابي ومغروس في وسط قلبي خيمتك |
من خيالي انسج ابيات القصيد
ﻻ وﻻ كلمه من اعماقي كتبت وين احاسيسي وانا قلبي حديد والشعور اللي يجيني منه تبت |
حنيت لـ ايام الجهل يوم انا ابيك
......... في حينها كنت استلذ بـ عذابك كانت بدايتنا غــزل في شبابيك ............. وصارت نهايتنا زعل عند بابك |
ماهقيت ان الهوى فينا يعشش
لين شفت طيورها فيني تعيش ان كتبت ابيات قالولي محشش وان سكت يطير مني كوم ريش |
لا تكابر وانت لعيوني تناظر
الهوى ما فيه عـز ولا مـذله الغلا اخذ وعطا حاظر بحاظر والجفا ضـد الوفا لا تستغله |
الليل توّه .. وانا ياصاحبي .. توّي
ماغير انا وانت وثالثنا القمر نقوه راح وتعكّر مزاجي وانعمس جوي ماطاعني راح ونام وخيّب الهقوه |
وش ذكرك فيني وانا دوبي نسيت
بدلت اسمك في دليلي .. جارحه لاتسأليني وش كتبت ووش قـريت إصبـح و اضيّـع وش كليـت البـارحه |
علمتنا الشمس عن معنى الغياب
والقمـر يشـرح لنـا كيــف الـرحـيل الغيـاب اللي تــرك سـن الشـبـاب والـرحـيل المـوت والقـبــر الـدليـل |
لاتقولين الهوى فينا .. توفّى
................ ماتوفّى .. والوفا فينا قوي العشق لو صابته وعكه تعفّى ........... مايموت الحب في قلب بدوي |
ياللي زعلت ازعل وانا بزعل عليك
......................... لكن نصون اسرارنا طول العمر واذا رضيت وجيت والحكم بيديك ....................... نرجع نقول اللي حصل حلوٍ ومر |
لا واهني اللي دله وارتاح ** ليل ونهار بمنتهى الراحه
ولا دخل بحر الهوى سبّاح ** ولا غـرق والعـين ذبّـاحه ولا كلا مـن خـدها التفـاح ** ولا رمـاه الحـب بسلاحه |
نوقف على ضفة الذكرى ونتأمل ؛؛ ذاك المكان الذي عايش علاقتنا
كانت علاقه جميله بل هي الأجمل ؛؛ للحين تشرب من احساسه سعادتنا |
يــوم راحــت وانا ماني عليها متحــسّف
مـن تـركني إعـيـاف أبتـركه مستعـــيف هــذا حكـم القـدر مـابـين لِـين وتعـسّف صارت الخيل صعبه عقب ماهي عسيف |
أخاف أسلم تظن اني ابي أرجع
وانا سلامي عليهـا بتبع السـنّه هذا مجـرد سلام وليتها تسمـع لجت ترد السلام اللي معه منّه |
ياللي ورى بحر الهوى يذكرونك
متى سفينتنا تجي في (موانيك) ياما سهرت الليل .. فيك وبدونك وانا بدونك يالغضي منشغل فيك |
احلا من السكر .. واجمل من الورد
واغلا من اسعار الذهب .. قبل مده واليوم طعمك مر .. والشكل مسود مــر الـزمان اللي حـــداني و أحـده |
من وين ماوديت وجهي .. أشوفك
كنك على أهداب عيني .. امتعلق ! مدري نزلت من السما مع طيوفك ولا من الرجلين جيت .. امتسلق ؟ |
تعبان قلبي .. وانا محتاج للراحه
................ يامن يطمني عن اللي داخل بقلبي |
الوقت لامنه مضى ماهو بجاي
والحب لامنه قضى ، ما يتجدد النار تطفي لنتشت ريحة الماي واللي فسد باول حياته ، تشدد |
خبرتو حدن يقسا على واحدن يغليه
خبرتو حدن مظلوم .. والظالم فواده انا ماخبرت اللي تندم على ماضيه الا ان يكون اخطا على نفسه زياده |
نامت عيون الناس يا أجمل الناس
وانا عيوني .. مسهرتها .. عيونك :007: |
لاتقول اني نسيتك .. مانسيتك
كيف ابنسا من نسا ناسه عشاني والله اني لو رجيتك وارتجيتك ادري انك تعتبر نفسك .. مكاني |
ياصاحبي لاتحسب الليل .. ظلما
صحيح مابه شمس لكن به انوار لاتكتب حروفك على صفحة الما انقش حروفك على صخر وحجار |
العين لو تشكي على دمعها سال !!
والقلب لو يشكي على الدم جلطه |
ماني علي غيره شفوق ومحتد
اما تجيني هي .. ولا فراقي والله لو هي كافره كان نرتد لكن بها اسلام .. زاد اعتناقي |
العيد عاد وعادتي لقبل العيد
افرح لو ان القلب زاد التياعه |
ليت خلي لدخل عينه النوم
ياكل 3 حبوب ويصير واعي |
ياويل حالي كل مالاح لي زول
رحت اتذكر روحته يوم راحي زولن الى منه رمى يجدع الجول كنه طلق طايش ولا هو بصاحي |
.....
|
انا معك غلطان .. وانتي على حق
لو الخطا منك .. اجي واعتذر لك وان لان قلبك واستلان وعلي رق اكب لك كل العشا .. واعترف لك |
نامت عيون الناس يا أجمل الناس
وانا عيوني .. مسهرتها عيونك |
لعن ابوها يوم راحت .. كنها غيم وتجلا
يالله انك تسقي اللي يستغيث وجف جوه |
كل ماقلت ارجهن القلب وريح واستراح
صابته عين بسهمها .. والبلاوي صابته كنت اقول اصبر ياقلبي واللي راح راح ماسمع قلبي كلامي .. والمليله جابته |
لولا الغلا والشوق .. ودموع عيني
كان استلذ النوم في بعض الاحيان لكن حكم عشقي .. والحب فيني اسهر مدام الراس .. هاوي وطربان |
لكتبت ابيات ماهي من خيالي
اجمل الأبيات بالشعر الكذوب لاتقول اني فقير وراس مالي كذبتين اقولها وارجع واتوب |
يقولون دار الخل بادي عليه اخيال
وانا اقول ياربي عسا هالمطر خيره وانا خابرن خلي لجاه المطر يختال يحب الخلا ومفارق البيت والديره |
لولا غلاكم ماتبعنا هواكم
ولا تقبلنا التعب والغرابيل |
‫العين فيها رماد وبالحشا جمره‬
‫والنار شبت ولا به شي يطفيها‬ ‫مدري على كيفي امشي او على امره‬ ‫ياليت ربي خلقني قطعتن فيها‬ |
الساعة الآن 08:37 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM