|
دعاؤكم بالتوفيق
بمناسبة زواج الغالية ابنتي ( سلمى ) على الشاب ( فرج عبدالله ) يشرفني حضوركم ومشاركتكم لي فرحتي وذلك يوم الثلاثاء القادم 27 / 4 بقاعة الكورنيش شمال دوار مشار والدعوة عامة بهذه المناسبة قلت ابيات اوصي بها فرج على الغالية اقول فيها :
يافرج لا تغث الغالية لاتغثه=يافرج حطة الله في يدينك امانة يافرج ذي حياتي من ضلوعي مجثه=لا تخلي جروح القلب تجلس مكانة يافرج نور عيني زرع قلبي وحرثه=اسقها يا فرج تعطيك صافي حنانة يا فرج وجد عيني وجد من ضاع ورثه=ما اتحمل فراقة ساعةٍ من زمانه يا فرج لا تحسب فراقها مستحثه=سنة الله علينا ملزمين اتبعانة يافرج من غلاها للخلايق نبثه=درة يافرج وسط الضوع لمعانة يافرج لي مشاعر والمدامع تحثه=جاوبني بفرحة واستباحن جنانة يافرج ضلع سلمى مع سهولة ورمثه=صار من شان سلمى بالخفوق اخفقانه يا فرج ذي وصاتي من عطوفٍ برثه=سلّمك من يدينه في يدينك عنانه وســــــلامتكم |
تبركون ان شاء الله :067:
صح لسانك |
الف مبروك زواج بنتك والله يوفق بينهم ويجعل حياتهم سعاده وبالاخير صح لسانك |
اسال الله لهم التوفيق في حياتهما والسعاده الدائمه كلمات ابويه منبعثه من صميم القلب .. ما اروعها من ابيات وماروعه حنان الاب .. الله يقر عينك ببرهم و بشوفتهم سعداء مع ابنائهم .. صح لسانك ملايين بلا عدد :027: |
ماشاءالله تبارك الله
اولا : اللهم بارك لهما وبارك عليهما واجمع بينهما بالخير اللهم الف بين قلوبهم وانزل عليهم السكينة والسعاده اللهم ارزقهم الذرية الصالحه ثانيا : صح لسانك واعتلا شانك يابو عبدالعزيز مشاعر جياشه تفوح بالعطر والحنان وفق الله الجميع |
مبرووك الف مبروك يابو سلمي
الله يوفقهاا وتسعد بشوفة احفادك يارب ابيات رائعه تهيض المشاعر صح منطوقك يابو عزوز ودي احضر بس بعيدييين مررررره �� |
مشاءالله تبارك الله
الف الف الف مليون مبروك زواج بنتك اللهم بارك لهم وبارك عليهم واجمع بينهم بالخير مشاءالله تبارك الله كبروك يابو عبدالعزيز وانت شباب الله يوفقهم ويرزقهم الذريه الصالحه وتشوف احفادك وانت بتم الصحه والعافيه يارب صح لسانك صح لسانك واعتلاء شانك ومشكور على الدعوه الكريمه وبذن الله حضور |
اقتباس:
الله يبارك فيك ويديم عليكم الافراح صح بدنك يالغلا :067: |
اقتباس:
الله يبارك فيك ونفرح بزواجك قريبا تسلم ويسعدك يارب صح بدنك :067: |
اقتباس:
تسلم يا وسم ويديم عليكم الافراح والسعادة جزاك الله خير وصح بدنك :067: |
اقتباس:
ماجد الله يبارك فيك ويسعدك بزواج عيالك كلهم وانت بصحة وعافية يارب صح بدنك ونبي نشوفك بإذن الله تحياتي :067::067: |
اقتباس:
يبارك فيك يا مشاعر وتفرحين بالجوري واخوانه << الله اعلم بالي يهيض المشاعر صح بدنتس كأنك حضرتي يخليك ربي اشواقي :067: |
اقتباس:
ماستر .. الف الف الله يبارك فيك قال شباب قال << اهي اهي اهي الله يعافيك ويخليك ويرزقك الذرية الصالحة صح بدنك وكلك .... خس تحياتي :067: :067: |
مبروووووووووك ي عبدالعزيز الله يوفقهم ويجمعهم على خير
ويرزقهم الذريه الصالحه:027: وي بختها فيك والله قصيدتك اكبر هديه واغلا فرحه وتستاهل ومشكور على الدعوه:027: |
\ االف ااالف مبروك.. عسى الله يوفقها ويسعدها..ويحميهاآ ياآرب.. قصيدة اكثر من رائعه تمثل مشاعر اب وفرحة اكبر منها مافي.. :067: |
الف الف مبروووك وعسى ربي يسعدهم ويوفقهم
وصح لساانك يابوعبدالعزيز ويااليت اقدر احضر بس بعيييييد |
اقتباس:
الله يبارك فيك انا ابو عبد العزيز مو عبدالعزيز .. الله يوفقك مشكورة ياديم الله يديم السعادة عليتس يالغلا تحياتي :067: |
اقتباس:
الجوهرة .. يبارك فيك يارب الله يسعدك دوم رائعة بتواجدك يالجوهرة تحياتي :067: |
اقتباس:
ياللي ماعرفت اسمه .... الله يبارك فيك الف الله يسعدك يارب وصح بدنك ما تقصر يالغالي |
الف مبروك :027:
وعسى ربي يسعده ويرزقه الذريه الصالحه وصح لسانك ياابو عبدالعزيز |
ماشاءاله الف الف الف مبرووووووووووووك
الله يسعدها ويوفقها وتفرح بشوفة احفادك ي رب والله يخليك لهم وصح لسآنك ع القصيدة تستاهل سلمى كل خير :067: |
اقتباس:
يبارك فيك يالغلا ربي يسعدك وصح بدنك تحياتي :067: |
اقتباس:
شجون الله يبارك فيك وعقالك يارب ربي يخليك ويسعدك دوم ويبقيك لغاليك صح بدنك وعافاك الله تحياتي :067: :067: |
وانت سالم وغانم
وصح لسانك ودام احساسك الجميل الف مبروووك والله يتمم بخير وتدوم عليكم الأفراح 🌺 |
اقتباس:
بوح صح بدنك وعافاك الله الله يبارك فيك ويهنيك بسارونه واخوانه اقبل تحياتي :067: |
مبروووك يابو عبدالعزيز
وصح لسانك |
اقتباس:
الله يبارك فيك ويخليك صح بدنك يالغالي |
| الساعة الآن 06:13 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM