![]() |
ياشمس
السلام عليكم
(( ياشمس )) ---------------------
ياشمس ياحظّك تشوفين خلّي=كل ماطلعتي للسما تنظرينه اذا لمحتي وجنته فاسفهلّي=يعكس عليك النور وابرق جبينه شوفي جماله باقين وامتعلّي=ولّا براه البعد واقفت سنينه البارحه نوم الهنا ماحصلّي=انطر شروقك برسلك تسألينه مرّي عليه ومن ورى الباب طلّي=وان كان فيه النوم لا تزعجينه قولي علامه بالوصل مستقلّي= وش مشغله عني عسى الله يعينه ليه الجفا والصد ليه التغلّي=ياخوف قلبي .. غيرنا مشغلينه لاترفعين الصوت يزداد غلّي=واذا تكلم اسكتي تسمعينه واذا تضايق منْك ياشمس زلّي=حنا بفصل الصيف لا تحرقينه ياليت ياخذ فَيْ واعطيه ظلّي=اخاف زينه يمنعك تتركينه --------------- وسلامتكم |
الله يذكر اسماء بنت المنور بالخير ..
يوم تقول ياشمس ياشمس لالا لا تغيبي :006: قصيدتك حلوه ياسيدي الفاضل .. صح لسانك واصابعك يوم يكتبنه :006: بس ياخي انا كائن ليلي تذبحن الشمس :004: امططططططططططططططخ مطخا مبرحا :067: |
اقتباس:
صح لسآنك .. شآعرنآ أبيآت سلسه .. تنقري أكثر من مرهـ / ولآ تنمل قبائل الشكر لـ قلمك :027: |
يابو سلمان وين شمس الضحى غابت !
صح لسانك وعلا شانك سلسه وجميله وخفيفه وجزله صح لسانك يالجزل باقي عاد الشيله |
ليـه*الجـفـا*والـصـد*لـيـه*التغـلّـي .. ياخوف*قلبـي*..*غيرنـا*مشغلينـه
/ جميل هذا الانسياب ياماجد صح كلك ولاعدمنا حروفك :067: |
حسحوس ابعد عن الشمس لاتحرق لونك هههههههههه
سكور تسلم يالغالي هذا من بعض ماعندك ماستر شلتها بس تخبر صوتي نشاز هههههههههه بوح اتمنى ترد على القصيده بلسان الشمس وماذا شافت لاهنتو يالغلين وصحة ابدانكم |
انا هو انا قصيدهـ رائعه رائعه رائعه كلمات جميله من انامل لا تخط سوى الكلام الجميل سلمت و سلم لنا قلمكـ الراقي |
اقتباس:
وانت سالم وغانم ياماجد وماقصرت وصح لسانك على هالقصيدة اللي مايقتبس منها الا كلها قريبة من القلب بمعانيها والفاظها السهلة مبدع ومممتع ياماجد |
الدانا مشكوره ياخيتي على الاشاده ولاهنتي
ابراهيم يالبا قلبك يالغالي يكفيني حضورك ياجعلك تسلم صحة ابدانكم |
اقتباس:
مستحييييل ياماجد ماحدً غيرك يقدر ع هالروعه وهالجمال ابيااات خراافيه تلامس الاحساس والوجدااان كل الشكر لك من القلب |
مـرّي عليـه ومـن ورى البـاب طلّـي,,وان كــان فـيـه الـنـوم لا تزعجـيـنـه
قـولـي عـلامـه بالـوصـل مستقـلّـي,,وش مشغله عني عسى الله يعينه صح لساااااااااااااانك وسلمت يمينك |
ابداع منقطع النضير يا ماجد انا عارف اني تأخر بالرد ولكن الغذر والسموحه صح لسانك ايها الماجد تحياتي لك :067: |
طفله
الف شكر لحضورك الكريم والاشاده يالغاليه كلامك عراسي من فوق ياخيه ---------------------- احزان صح بدنك وزان معدنك يالغاليه ومن قال يبقى ويسلم اختي ----------------- بيت الطين الف شكر يالغالي لحضورك وكلامك الطيب صح بدنك ولاهنت يابو عزوز |
صح الساانك
احلي شي بلقصيد لما يداعب فكرك وخيالك وتحسه من جدددد رائعه |
صح بدنك خيتي مشاعر
وياهلا ومسهلا برجعتك عقب مده الروعه صاحبت حضورك الكريم |
الساعة الآن 02:04 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM