بعض الشعر .. يطرب خفوقي والاسماع=والبعض الاخر .. لاسمعته املي
يعجبني الشاعر .. اذا يروي القاع=وياكثر ناسٍ .. شعرها بالتبلي
شاعر يصوغ الجزله .. بذوق وابداع=وشاعر .. يبعثر لك حروفٍ تعلي
شاعر يخوض اليم .. واحساسه شراع=وشاعر .. يضيّع دربه ولايدلي
شاعر يحبك الفكره .. بوصف بتاع=وشاعر .. يخل بفكرته ثم يزلي
شاعر نهج نهجٍ حضاري .. بالأقناع=وشاعر .. اذا تسمع هروجه تخلي
شاعر بشعره .. يمنع الشر فزاع=وشاعر .. يولعها بقالوا وقلي
شاعر يشوف ان الشعر .. درس وامتاع=وشاعر .. بلا معنى ولابه تسلي
شاعر يحاكي هم غيره .. ويلتاع=وشاعر .. بلا احساس شعره محلي
شاعر يموت بحرف شعره .. ولاباع=وشاعر .. يبيع ويشتري لو يذلي
شاعر و شاعر .. والبشر جنس وانواع=والفرق بالتقوى ورجلٍ يصلي