ودي بشوف الغضي ياداعج اعيونه=ودي بشوفه ولكن ما تهيالي
ياللي تجون الغضي واللي تمرونه=قلو لنور البلد الصاحب الغالي
قولو ترا صاحبك مانامت اعيونه=من فارق احباب عينه حار واحتالي
العين بطرد الهوى ياناس مفتونه=ولا للهوا ياعرب اول ولا تالي
انا اشهد ان الهوى هين وياهونه=وياصعب مرقاه بالاقفا والاقبالي
ان كان خلك جفا ياكود مكنونه=وان كان جا على كيفك فهو حالي
اللي مريض الهوى لازم تداوونه=ودواه بيدين ذاك الصاحب الغالي
ياويل روحي وهي بالحب مفتونه=وياويل قلبي ان كانه ما تهيالي
اون ونة مريض ما يداوونه=حتى الدكاتر تخلو عنه بالتالي
على وليف سحر هاروت بعيونه=اليا نظرني حسبت الموت بقبالي
والقرن الاشقر زبر من عالي امتونه=والنهد تفاحة في غصن ميالي
والخد برق وخياله يتراوونه=والعود موز اليا هب الهوا مالي
ذاك الغزال الذي يمشي على هونه=وانا اشهد انه قتلني عزي لحالي
وان جيت ابنصاه حال اهل الحسد دونه=عسى هل الحسد ما يبقى لهم تالي