منتدى حايلنا

منتدى حايلنا (http://www.hailna.com/vb/index.php)
-   اشـــعـــارنــا (http://www.hailna.com/vb/forumdisplay.php?f=3)
-   -   لنرسم من الحروف ابياتاً جميله .. (http://www.hailna.com/vb/showthread.php?t=103)

انا هو انا 13-04-2011 02:36 PM

لنرسم من الحروف ابياتاً جميله ..
 
السلام عليكم ورحمة الله وبركاته

الاغلبيه يكتبون ابيات شعريه حتى لو لم يكونوا شعراء

واحيان يكتب الشعراء ابيات ولا يكملونها

ربما لاتتجاوز تلك الابيات البيتين او الثلاثه ولم تصل الى مستوى قصيده متكامله

لنجعل هذا المتصفح يتلقى تلك الابيات لحفظها

دمتم جميعا سالمين

- в 8 α ч α - 13-04-2011 03:15 PM

يعطيك العافيه فكره حلووه
انا راح استمتع بما تكتبوون وراح اكون متابعه
:014:

!هيبة ملك! 13-04-2011 03:19 PM

الله يعطيك العافيه يا ابو المجد وراح اكون من المستمعين لاني اقراء بس ما اكتب شعر مثل من خابر لا قصدت اقرنهن:102:

انا هو انا 13-04-2011 04:40 PM

8
8
ومن قال يبقى ويتعافى

--------------------

ياللي تنام وبالسما باقي انجوم *** اسهر لعل الليل يطرد همومك
وان زاد همك كافح الهم بالنــوم *** ان كان تقدر سلّم النوم يـومك

فهد الفوزان 13-04-2011 07:40 PM

يا لبى يا ماجد

فكره منيحه


طيب اقضبووو :



يا قلب قلي : متى ترتااح
،،،،،،،،،،،،،،،،،،،، ومن الهوى تطوي اشراعك
ما راح من غربتك ، فد راح
،،،،،،،،،،،،،،،،،،،، بيع الذي بالهوى .. بااااعك


وسلامة عنونكم

فن تآيم 14-04-2011 03:53 AM

لبى عنونك ~

وهذي كم بيت على مآ آظن آخر مآ كتبته بالكآفيه ~



يآ ليتني في ديرة الزين دكتور " يشفي جروح القلب و أشفي جروحه
و آستآصل الآفآت والهم والجور " من وسط روح الزين يآ زين روحه
بس الحقيقه دم مآ يجمع زهـور " و نزفي تمثل في جبيني بـ لوحه
تبكي عروق القلب و أقول مأجور " شفنآ الحيآة اليوم تقتل طموحه
و مآني على درب الخطيّات مجبور " ولا تنفعك يآ زين كلمة سموحه

بوح وجداني 14-04-2011 04:18 AM

صحت السنكم واحساسكم جميع
:018:




ياغريبه .. جيت اشاور .. للنهايه بأحتراق=ياكذا ..والا كذا ..لازم نهايتنا .. هنا
يافراق بلا عناق ... وياعناق بلا فراق=حددي وضعك معي ..والا ..بسويها .. انا

بوح وجداني 14-04-2011 04:22 AM


مع سكون الفجر .. احس .. ان القوافي .. يلعبني=والبيوت المهمله .. ترجي .. متى ! حط النقط
يالقوافي .. خلكن .. في خافقي .. لا تظهرني=عللني .. ونسني .. بيني وبيني .. فقط

:018:

بوح وجداني 14-04-2011 04:23 AM


القلم يكتب.. ويمسح .. وان كتب !! يكتب هذيك=ماهذيك !! الا هوى بالي .. وماغيره هويت
وان سألته !! ياقلم جاوب.. وش اللي صار فيك؟=سال حبره .. فوق دمعي .. قال احبه ماحييت

:018:

بوح وجداني 14-04-2011 04:26 AM


ما اقول الا .. صباح الورد .. يافرحة عمر=طول غيابك .. وانا من دون شوفاتك .. اضيع
مو انا بس اللي ضايق .. في غيابك ياقمر= حتى حرفي .. يندهك باكي .. كما طفلٍ رضيع

:018:

بوح وجداني 14-04-2011 04:27 AM


(رام) المخيخ .. اصبح يعلق بفكري=مدري من اشغالي .. او اسباب هاجوس
اشوف نفسي .. تالي الليل اهذري=الظاهر ان (الرام) .. صايبه فيروس
وش مصدر الفيروس !! والله مدري=يمكن من الخفاق .. للراس مدسوس
الله يسامح .. من غلاها بصدري=تلعب بقلبي .. والفكر حاسته حوس

:018:

بوح وجداني 14-04-2011 04:45 AM


ياطيب وقتي .. لو ينسيني انسان=وياكبرها من كذبة ٍ ..لو تناسيت
مخطي بحق الحب .. ماني بندمان=ذي قمة الايثار .. لو قالو اخطيت
:018:

بوح وجداني 14-04-2011 04:49 AM


ليت الهوى ماحل في خافقي يوم=ياليتني خارج نطاق الغرامي
عزالله انه يرمي الروح بسهوم=لو طاح مجروح الهوى مايلامي

ĎҒŃŤ ĞLBŶ 14-04-2011 01:13 PM

يسلم يمينك

وفكره حلوه منك

لاهنت

وصحت السنت شعرآئنآ




بوح وجداني 15-04-2011 12:25 AM


ارتاح .. لامنه دعاني حبيبي=وتضيق بي دنيااي .. لامن فقدته
انا اشهد انه .. للمواجع طبيبي=وانا اشهد اني طيبٍ .. يوم شفته

انا هو انا 15-04-2011 02:55 AM

لا ماحنـيـت الــراس لا ماحنيـــــتـه
الا لــربـي ينحـنـي فـــي صـلاتــي

الـلــي يبـيـنـي يـرحــم الله مـيـتــه
واللي يجافي اشطـــبه من حياتي

مـن باعـنـي ماهمـنـي ماشريـتـه
واللي شرا ياخــذ مع القلب ذاتـي

آتنفس الحنين 15-04-2011 03:02 AM

فكرٍه روٍعة

متآبعه :027:

انا هو انا 15-04-2011 03:02 AM

راح الغرام بخاطري لم الابحــار
وابحار فكري لمه القلب سابح

بحر الهوى موجه تزايـد الأمتـار
والخاسر اللي فيه ماصاد رابح

انا هو انا 15-04-2011 03:40 AM

قال ماجد بيتن احلى من قصيــــــده
الــزمــن غــــدار لاتــامــن جـنــابــــه

الله الـلــي يـعـلــم الــســر بـعـبـيـده
ومن بغى مكنون غـيـــره مالقى بــه

انا هو انا 15-04-2011 04:11 AM

ناظــرتنـي بالعـيـــون وكنـهـن يـــرمــن رصــاص
فــي بنـادقـهـا رمـتـنـي صـوبــت قـلــبٍ يبـيـهـا

حاكمتنـي وظلمــتنـي حكمهـا حــد القـصــاص
سيفها الخشم الشطـــير وقطّعتني في حكيها

خـدهــا وردٍ تـفـتـح زهـــرةٍ مـــن نـــوع خــــاص
في بساتين الضمايـــر مـن دمــوعـي تستقيهـا

بوح وجداني 15-04-2011 01:56 PM


اهديك ..مايطري على قلب مغليك=مدام قلبك من زمانه .. هربلي
في حسنك المعنى .. ومن روحي اسقيك=اعذب قصيد ٍ من جمالك شربلي
من معجم اوصافك .. بالاحساس اناديك=واخلي انفاسك غصب.. تقتربلي

انا هو انا 16-04-2011 02:27 PM

ياللي طرفت العين والقلـب كاويـه=فيني تحشرج داخل الجـاش عبـرا
القلب من كثر العنـا عـاف حاويـه=والحب من عقب البحر صار خبرا
جرحـن جرحتـه اتركـه لا تـداويـه=خـلـه مــع الايــام والـوقـت يـبـرا

انا هو انا 17-04-2011 01:39 AM

لا مــا يـمـوت الـحـب مهـمـا يقـولـون
يمكـن ينـام اوقـات واوقـات يصـحـى

والـحـب مــا يقـتـل ولا فـيـه مجـنـون
واغلب ضحايا الحب مرضى وجرحى

بوح وجداني 17-04-2011 03:32 AM


ماغاب من عيني سوى باقي الناس=والا انت باقي في عيوني ولاغبت
ما تدري اني يوم تقفي بهوجاس=واقول طيب .. لكن الحق ماطبت

انا هو انا 17-04-2011 02:20 PM

والله احـبـك ياغـنـاتـي عـــن الـنـــــــاس
ولــو طـالــت الايـــام مـانــي بـنـاســــي

الحب عندي كومة شعور واحســـــــاس
مـاهــو كـــلام لـســان يمـلـيـه راســـي

انا هو انا 17-04-2011 02:22 PM

انا يوم اخفي عن حبيبي غلاه اخطيت

0000000000000000000 تماديت في حجـب الغلا لــين خلاني

انا هو انا 17-04-2011 02:24 PM

عيـدي بدونـك ياحياتـي ماهـو عيـد
.........................................عـيـدي مـعـاك انـتـي وعـيـدك معـايـا
شوفة 00000 بذمتي عيد وسعيد
..................................... هـي فــرحــة ايــامــي وغــايــة مـنــايــا
ليـتـك مـعـاي برحـلـتـي نـقـطـع الـبـيـد
....................................... مـاغـيـر انـــا وانـتــي وطــيــري ورايــــا

انا هو انا 17-04-2011 02:28 PM

الفــــرخ ضاع ومالنا فيه حيــــله *** اتلى العلم به طايرن فوق خزان

من مربطه في بيتنا شال شيله *** خلا مكانه والفعــل مابعـــد بان

بوح وجداني 17-04-2011 06:31 PM

8
ذكرتن بهالبويتات يوم ضيعت الفرخ وقلت على لسانك


ياصوت عاون رجلي .. ان كنت لي عون=يمكن صدى صوتي .. يطول المراقيب
طيري غدا ... من دون سبه ولا لون=والروح من فقده .. عوى داخله ذيب
ذيب ٍ .. يقد الروح لاقلت .. وشلون=ذيب يسّرد .. خافقي بالمخاليب
ان قلت ضاع الطير .. ياضيق هالكون=وان قلت يرجع .. قالو الناس به ريب
ياناس .. طيري ماهقيت انه ايخون=وانا الذي .. من دربه خير تدريب
لكن وجع قلبي .. لياصار مرهون=بكفوف نذل ٍ .. مايعرف المواجيب

انا هو انا 17-04-2011 06:33 PM

8

صح لسانك ياجدي يابوح

وذكرتن بالبيت اللي كتبته لك ومانسيته

يابوح ابنشد حضرتك عن جنابك *** وشلون امورك واعسى خاطرك زين

تذكر هههههههههههه

بوح وجداني 17-04-2011 07:03 PM

ياااااااقلبي ههههههههههههه
حالي سعيد ٍ والقوافي تهابك .. ياطيب الخوه وريث السلاطين

بوح وجداني 17-04-2011 07:04 PM


خلاص ماعاد العذر ينفعك ..روح=يمكن تلاقي من يعذرك ..وترتاح
دمعك نزف لكن .انا نازف جروح=والفرق شاسع بين دمعات ..واجراح
دمعك مع الايام ...رايح وممسوح=والا انا جرحي لو انساه .. ماراح

انا هو انا 18-04-2011 02:03 AM

لـو نسيتـي مانسينـا يالحبيـــبـه
لا ولا ننسى غرامك لو نسـيتـي

الدموع اللي على خدي صبـيبـه
عذبتني وافضحتني من مشيتي

انا هو انا 18-04-2011 02:05 AM

والله احـبـك ياغـنـاتـي عـــن الـنــاس *** لـــو طـالــت الايـــام مـانــي بــــنـاسـي

الحــب عندي كومة شعور واحساس *** مـاهــو كـــلام لـســان يمـلـيـه راســـي

بوح وجداني 18-04-2011 05:57 AM


اسعد الله صباحك ياسحابه في غيابه=اعبري جوي لجوه/ لين في ظلك يصير
بلغيه اعذب تحياتي /وهلي ياسحابه=قولي اني في غيابه /ماهقيت اني بخير

هدوء انسان 18-04-2011 06:15 PM

هو تغلي ولا يبــــــــــغاها عتاب ... هو تبــــاعد لجل يســقــــيني عذاب
ارسلوا له يا ورق احــلى جواب ... بلـــــــغوه اني بــــصبري منه طاب
بلغو شوقي وصــل حد النصاب ... وان بعـــــــده ارســـل الحب للخراب
ماتخاف من نار هجري ماتهاب ... ماتخاف اســـقيك مـــن كــاس العذاب
تفتكر بٌــــعدي بهين مو مصاب ... تفــــتكر بَــــــعدي بيـغمض لك هداب

بوح وجداني 18-04-2011 09:20 PM


تعالي فسري معنى كلامي .. دامني قلته=ترى باكر يجي غيرك .. ويكسبني بتفسيره
جميع الناس لعيونك .. تعمدت وتجاهلته=وكانك ماتبي قربي !! فيمكن صدتك خيره

تحلى حياتي بوجودهـ 18-04-2011 09:29 PM

الله عليكم مبدعين ..وترفعون الرااس..

صحت السنتكم يآآشعرآآئنا..

:018:

صمتي هدوء 19-04-2011 05:56 AM

فكره رائعه من اخ اروع

سجلني من المتابعيييين لهالموضوع :)

بوح وجداني 19-04-2011 11:35 AM

منورين كلكم
وصحت قلوووب الجميع



بيني وبينك يابحر=من راح خلي ماهتنيت
عيني دموعه كالنهر=وان قلت ابنسى مانسيت
طيف الحبيبه لاحضر=اقول ياخي وش بغيت
ياطفيها جبت الكدر=بالله ليتك مالفيت
بالقلب حب ٍ يحتضر=وانا ادري انك مادريت


الساعة الآن 04:41 PM

Powered by vBulletin® Version 3.8.6
Copyright ©2000 - 2024, Jelsoft Enterprises Ltd منتديات
HêĽм √ 3.1 BY: ! ωαнαм ! © 2010

vEhdaa2.0 by vAnDa ©2009

mamnoa 4.0 by DAHOM