كيف حالك ياقمر
كيف حالك ياقمر
ياقمر هذا شعور ٍ قايله في حضرتك=ارسله عبر المدى ياليت احاسيسي تجيك كيف حالك ياقمر وشي سبايب غيبتك!=هو زعل ؟والا تغلي ؟ يامعذب من يبيك والا هي سحب الليالي عن عيوني خبتك!=والا عيني ضاع شوفه من كثر ماتحتريك! هذا ليلي شامت ٍ بي يوم عدت حزتك=آآه من جاير ظلامه لو يشوفنه عنيك لاسماع ولاحكي ماغير ذكرى طلتك=السوالف كلها بيني وبيني منْك وفيك هاه وينك ؟ ليه ماحرك شعوري مهجتك=ياترى هل صوت احاسيسي يوصلني اليك ؟ انتظاري لك كواني في لهايب صدتك=ليه ماتطفي خفوقي في نواعم راحتيك جعلني فدوة شفاتك يوم ترسم ضحكتك=تنتهي كل المواجع لاهمست ابشفتيك جعلني فدوة عيونك يوم ترسل غمزتك=السعاده مسرح ٍ واسع تضمه نظرتيك جعلني فدوة رموشك يوم هزت خصلتك=ولعبة سبابتك مع جارته في خصلتيك جعلني فدوة جفونك لا حبستي رمشتك=واخترق غيمة جفونك بارق ٍ من ناظريك جعلني فدوة خدودك لاتراخت لثمتك=مشرقين ابوجه واحد يالـ روعة وجنتيك ويش اوصف ويش اخلي من محاسن روعتك=ينتهي حبر المحابر والغلا ماينتهيك لو بقى شي ٍ اقوله قلت لك ياقسوتك=كيف احبك هالمحبه ؟وانت مايطري عليك! وسلامة من تااابع بوح وجداني |
الساعة الآن 01:29 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM