هب النسيم وغرد الطيـر طربـان=في جوٍ اروع من وصوف الشواعير
الشمس ضوه داخل الغيمـه يبـان=والأرض خضرا جملتها النواويـر
والا الغضون اللينه تنظـم الحـان=اوراقهـا يقطـر نداهـا تعابـيـر
ارضٍ طبيعيـه ولا طبـه انسـان=ماغير قيفاني وبعـض التصاويـر
لقيت نفسي هايمٍ فـوق الاغصـان=اطلالة المنظر على خافقـي غيـر
تعال ياشعـري اذا كنـت زهقـان=تعال ابيك اتعيـش خالـي تفاكيـر
ياخي تحرر من قوانيـن الاوطـان=سج وتجول في حيـاة العصافيـر
لاليه! لاكيف! لاكـان مـن كــان!=مافيه نـاسٍ همهـا بـس تكديـر
حياة مافيهـا مراحـل سـوى الآن=(بكرى) (وذكـرى) مالهـم اي تأثيـر
الكـل فرحـانٍ ولافيـه زعـلان=كلن سعى بالخير من دون تقصيـر
شف للشجر تعطي ثمرها بمجـان=والطير ياكل مـن ثمرهـا بتقديـر
حالة عطا مهما يجـورن الازمـان=والطير آمن فوق غصنه من الغيـر
الا العواصف والقدر شانهـا شـان=واللي مـن الله مالنـا فيـه تدبيـر
ياقافي ارفق باللـذي فيـك شقيـان=ليتك تطيع الراي من قاصد الخيـر
ياقافي ابعد عن طواريق الأحـزان=حتى ولو حديتك. انظـم تصابيـر