|
طلب : )
السلآم عليكم ورحمه الله وبركآته , شخبآر مصممينآ ومبدعينآ >>مصلحه :025: ي طويلين العمر واللحآء الغانمه .. انا ودي بمسآعده .. انا طآلبين مني الدوآم اشرح محآضره لطآلبات الحآسب .. و الدوره اللي انا مشرفه عليها دوره تصميم ! الجزء اللي يبوني اشرحه " الاكشن في الفوتو شوب " المشكله مو الشرحّ ولله الحمد انا شارحه قبل قدام ناس , بس الفكره ان عندي 3 بنات .. ثنتين مايتكلمون ولا يسمعون ووحده عندها النطق والسمع ضعيف , يمكن هالنقطه شوي اقدر عليها .. بس انا الشي اللي شاغل بالي .. الكلآس تقريبا 18 بنت ! وجوهم شوي بآرد .. فودي بشي يحمسهم ويفوقهم بعيد عن الاجهزه و البروجكتر بس يكون في محور الدرس ! ومخي موقف للاسف ً .. قلت يمكن احد منكم يلقى لي حل مشكوراً :027: |
ههههه هذي مايبيلها مصمم
يبيلها معلم خبره مثل حضرتي هع هع مالك الا استخدام البعد الثالث بالشرح او انك تجيبين معك اشياء مشوقه مثلا تجيبين قطه شيرازيه بيضا ، وتجيبين معك بس افريقي اسود وتلقطينهم صورتين وتطبقين عليهم بحيث البس يصير مقارب لشكل القطه لا تتعبين نفسك ياشمر ماراح يفهمون طلاب هالوقت عساني افدتك خخخخخخ |
جيبي شيء تحفيزي موضوع اوسوي مسابقه وفيه أسأله عن الدرس بشكل مبسط وهدايا ومن هسوالف ؛؛ مافي حل أظن لان ي شمر التصميم لحاله متعه وجو وش يبون أحلى من كذا ! ترى عصرت مخي مع انه موقف منذ زمن لكن قلت اورطك اكثر:002: بتوفيق ي بنت |
والله اني ودي افيدتس بس والله ماعندي الا الهبنيَََ :086:
اقتباس:
|
اقتباس:
نسيت الموضوع من كثر ماافكر بالطريقه نسيت اني نزلت موضع ههههههههههه ي ريس السالفه سالفه انو انا مابي اطبق نظآم المدارس ابيه شوي يقلب متعه وحركه وكذا .. وبنفس الوقت مافي شي يعبر عن الاكشن بشي خارجي : ( افدتني بكم شغله بفكر فيهاهههههههههه يسلمو ويعطيك الف الف عافيه |
اليوم تابعت موضوع احمد الشقيري بخواطر
بصراحه موضوع جميل عن طريقة ايصال المعلومه للمتلقي تخيلي تدخلين حصة رياضيات وكأنك داخله معمل الفنيه من الوسائل المختلفه والمشوقه التغيير سواء في المكان او في الطريقه يساعد على اكتساب المعرفه كان الله بعونك خيتي شمر ونفع بك |
اقتباس:
يعني لو بلعبهم او شي زي كذا بينقدون علي ههههههههههه التحفيز فكرت فيها بس تجي بعد الشرح ابي شي بالشرح ’ يعطيك العافيه :027: |
اقتباس:
ي عمري مرورك يكفيني :027: تشكرات |
اقتباس:
هذا اللي ابيه بالضبط .. امين يارب الجميع : ) |
ابشركم شرحت وكان شي جميل جدا : )
يعطيكم الف الف عافيه ع التفاعل :067: |
| الساعة الآن 03:30 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM