حان الرحيل ومابقا لي مجاليس=حان الرحيل ورجعتي ماضمنته
اذرف على الفرقا دموعً محابيس=يالايمي لو هو بكيفي حبسته
صارت حياتي مرتعً للكوابيس=بين المحال وبين خلن عشقته
ارمي وجودي في ثنايا القراطيس=واحاكي همومي بقافن نظمته
احاول اضحك في زمان المعابيس=لكن همومي جرحتني بصمته
ادور لحزني شموع ومقابيس=لعلني القا حبيبً فقدته
وين انت ياطعم السعد والتوانيس=تعال خفف حزني اللي حزنته
ابيك تسقي مابقا من احاسيس=يمكن تبور الروح لو مامكنته
ابيك تطرد حاميات الهواجيس=وتضمني باهدابك اللي خسرته