عانقتني بالحسافه .. من ورى .. سور اللثام=والدموع تهل .. من عينه كما هل .. السحاب
والنظر !! يسبق كلامه .. ويتعذر للكلام=اجتمع فيها الندم .. واتبعثرت .. عقب الغياب
قالت ارجوك سامح .. لايجي منك .. الملام=انتشلني ياغناتي .. من دهاليز العذاب
اقبلت يمي .. وكنه ضايعه .. وسط الزحام=في خطاويها .. لمحت .. البهذله والارتياب
الملامح ياعرب !! ماهي ملامح .. انهزام=اعرف انه في غرامه .. ماتخاف ولاتهاب
قلت يابنت افهميني .. مابقى لي .. من غرام=جمرة الشوق بغيابك .. ذوبت قلبي !! وذاب
مابقى مني !! سوى زولي .. وآثار السهام=والشرايين تغذاها .. دمعتي .. بالانسكاب
ادخلي فيني بنبضك !! واسعفيني !! بالوئام=يمكن عروقي .. توصل تايهك للمستذاب
قالت ادري بك .. تواسيني !! وذا والله حرام=كيف تجزاني بلطفك !! لاعتاب .. ولاحساب
قلت له انسي جروحك .. وابتديني .. بالسلام=ودي اشرب .. من غرامك .. واتفنن بالشراب