وين انت ياللي غيبتك ولدت صمت=صمت الأماني في ضجيج افتقادك
وين انت اعانيها وانا ماتكلمت=وين انت انا شوقي يباري شدادك
ياهيه انا من يحضنك لا تألمت=ياهيه انا روحي لحافك وزادك
ياهيه انا منك الغلا ماتعلمت=انا رعيتك بالغلا في مهادك
حتى نمت فيك المشاعر وتمتمت=واصبحت انا روضك ومرعى ودادك
اكلتي الخافق غلا ماتظلمت=سقيتك احساسي ونلتي مرادك
واليوم انا ميقن وبالعشر بصمت=ان الشقا لك من بديتي عنادك
عودي لريضان الغلا دامني همت=عودي قبل يحرق غلاي ابتعادك
لاتحسبيني من رحلتي تحطمت=هذا وفا قلبي واخر حصادك