منتدى حايلنا

منتدى حايلنا (http://www.hailna.com/vb/index.php)
-   منقولاتنا الأدبـيـة (http://www.hailna.com/vb/forumdisplay.php?f=51)
-   -   بعض ماراق لي بالقصايد اصعب سؤال (http://www.hailna.com/vb/showthread.php?t=1336)

لذة غرام 25-07-2012 06:28 AM

بعض ماراق لي بالقصايد اصعب سؤال
 
أصعب سؤال






( اصعب سؤال ) اللي جوابه للأسف مثله ( سؤال ) !!
...................... ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ )
.................. كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !!
.................. لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال
................. اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال
................. ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال
...................... ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال
.................... لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال
............... انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال
.................... لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال
............... وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال
.................. لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال
...................... وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال
................... واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
............... ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال
................. يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
............... للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
............... وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
.............. واقرى القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )
................ لا قلتلي ( وش ذكرك ؟ ) ثم قلتلك ( متى نسيت ؟ )

انا هو انا 25-07-2012 06:44 AM

ماشاءالله عالذائقه الشعريه الراقيه

اخترتي قصيده من اجمل القصائد

صح لسان الشاعر وسلمت يداك

دمتي بسعاده

لذة غرام 25-07-2012 07:15 AM

يسلمك ربي

ولي يقرهاا اكيد انه ذوق

الجآدل 25-07-2012 08:00 AM

يعطيك العافيه يآلذة
ذآئقتك ممتازه والقصيده رآقت لي بالححححيل
صح لسآن السهلي .. ولاهنتي على النقل

لذة غرام 25-07-2012 08:07 AM

يعافيك ربي الله يسعدك

ماستر 26-07-2012 12:38 AM

صح لسان شاعرها

واختيار موفق

عفاكـ

شـمـر 26-07-2012 06:18 AM

السهليّ ..
شآعر جميل حرفآ وشكلا هههههههههههههههه
ذآئقه رآئعه .. وآختيآر جميلّ ..
عوآفيّ عوآفي ؛)

لذة غرام 27-07-2012 06:53 AM

يسلموووو ماستر

لذة غرام 27-07-2012 06:54 AM

أنـــــــا شهد يــاشمر هههههههههههه


يعافيك ربي


الساعة الآن 10:33 PM

Powered by vBulletin® Version 3.8.6
Copyright ©2000 - 2024, Jelsoft Enterprises Ltd منتديات
HêĽм √ 3.1 BY: ! ωαнαм ! © 2010

vEhdaa2.0 by vAnDa ©2009

mamnoa 4.0 by DAHOM