بوح ذكرى
بوح ذكرى
يالقوافي اقنعي قلبن رفض كبح الجماح=كلما قلت انتهينا قال ماقلت الصحيح كان ودي مايطيح اللي بنينا ..بس طاح=ايه طاح ..الله يعين اللي تولع بالمليح كان شامخ /كان راسي /رغم طعنات الرماح=كان فارس /والظروف ان بارزه لازم تطيح كيف كان ! الله واكبر ..ليه طاح وليه راح=الله اكبر يازمان ٍ للمفارق يستبيح ذاب صوتي في جمر حسي /ومابالروح فاح=وانبعث دخان حزني /واختنق صدر ٍ فسيح للفراق المفتعل عبرة مسى/دمعة صباح=والخفوق ان مات /ارحم له ولايبقى طريح الألم في (بوح ذكرى) ..ذكرها سم ٍ ذحاح=انصح المجنون في صدري ..ولايقبل نصيح الزهر ..ماله ثمر الا قهر قلب وجراح=قلة الحيله بفلاح ٍ لقى بيره شحيح من عيونه ..كل دمع ٍ يسقي ازهاره مباح=من خفوقه.. راح ينزف للورق (بوح الجريح) زال صرحك /بان جرحك ..ياخفوق ٍ ماستراح=زاد شوقك/مال غصنك ..طيح كلك واستريح الغلا ..لو يوم يخضع للتناسي لايزاح=افهم افهم ياخفوق ٍ لاذكر خله ..يصيح وسلامة من تااابع بوح وجداني |
الساعة الآن 03:21 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM