الطير لامنه طلع يطرد الصَيد=وانتي ليامنك طلعتي ذبحتي
ياريم لا تجفل ولا تقمز الحَيد=كل الجوارح تنعمي لخمرتي
وليا دخلتي للبلد وقف السَيد=كل الاوادم تنتظر لعبرتي
ياطفلتن ماتعرف الكود والكَيد=يانسمة الازهار لامن زفرتي
بدلت مسواك الرجاجيل بعوَيد=والسبحة الحمراء حبل من كبرتي
ماهمني ياشوق لازيد وعبَيد=ماهمني ياكود جرحن جرحتي
لصرت انا مسجون وانتي لي القَيد=مابي صراحي ينطلق لو سمحتي
اهيم بالحد الشمالي من دوَيد=وادور المنطاق باسباب صمتي
لاني مثل عنتر ولاني ابا زَيد=انا مثل قيس الملوح 00 عرفتي؟