|
ايام "كانت جميلة"
يضيق الصدر احيانا اذا ابطيت ما سمعت صوت الحبايب من خلال السكاي من هالضيقات جت هالابيت وهي تعبر عن نفسه هههههههههههه<<< الا والله عن نفسي انا اللي ودي اقوله لشعراء المنتدي انهم كل منهم يدلي بدلووه ويجاري هالقصيده ماهو شرط نفس الموضوع ... لو الوزن والقافية فقط
انتثار المحابر وانحباس الشعور=وارتباك القريحة وانفصام اجهدي وانتفاخ النواظر وازفران الصدور=واجتياح الهواجس حاجزي واتعدي وانشغال الخواطر وارتجاج وضمور=واضطراب الجوانح وارتعاشة يدي من علامات جرحٍ بالمحاني يدور=دورة الفلك بايام مضت بسعدي كلما قلت طاب الجرح عود يثور=اشتكي له عليه ويرجع ويبتدي سائلي عن حوالي بالهبال مخطور=بين صجة خفوق وبين حظٍ ردي لا ذكرت الرفاقة في ليال السرور=صحت ياعين هلي دمعتك واهجدي كم عزيزٍ على قلبي شكورٍ صبور =وكم رقيق المشاعر للمشاعر ندي اسعد الله مساهم والصباح الطهور=جمع الله قلوبٍ بالرضا تهتدي يوم طبيت قلت المسالة له جذور=جيت باقصاي قلت ان الغلا سرمدي لين شفت الليالي كل ابوها بدور=لو يغيب القمر عندي قمر يشهدي لو كتبت السعادة يعجزن السطور=فرحتي في لقاهم له تعدا الجدي وين هاك الليالي بالحبا و الحبور=روحن مثل طيفٍ مر في مرقدي نبي همتكم ولكم :067: |
صح لسانك يابو عبدالعزيز واسمح لي بهالابيات
عشت يالشاعر اللي لك معانا ظهور=واشهد ان الجواهر عنك ماتبعدي جوهر الشعر كله في كلامك عطور=بث ريحة وروده بالقصيد الندي اجتمعنا هنيّا والغلا مايبور=بالوناسة وحايلنا لها يشهدي |
قويه جميله رائعه
موضوع الفقد دائما يكون مؤلم انسجمت مع هالقصيده حيييييل يسعدك ربي يابو عبدالعزيز وصح لسانك ملايين |
اقتباس:
عزيزي ابراهيم هلا بك الف هلوه وصح بدنك ما قصرت يالغلي كفيت وفيت تقبل تحياتي |
اقتباس:
هلا ابو سلمان يا صباح الفل والورد صح بدنك الله يجعل ايامك كلها سعادة بس نبي بويتات شاركنا يالغالي تحياتي |
صح لسآنك صح لسآنك صح لسآآنك
قصيدة جددن حلوووه وهالشي متعودينه منك ماننحرم ي رب وننتظر البقيه =) ربي يسعدك :067: |
اقتباس:
هلا وغلا شجون صح بدنك صح بدنك صح بدنك ما احلي من القصيدة الا حضور شجون اللي يسعدني جداً جداً جداً البقية جاية بس نبي حضوركم عسى السعادة لقلبك يا شجون الليل دايمة عندي الريم وانا اكتب الرد عليك تصورني تحياتي |
والله مايليق بالزين الا الزين
لكن الجود من الموجود اتمنى ان تغفر قصور حرفي يابو عزوز انهضي ياقريحه لايصيبك فتور=يوم جتك القصيده ابرقي وارعدي سيلي من وريدك يابسات السطور=اوسمي بالمعاني صيهدن اجردي انبتي وانعشي قاف الشعر بالزهور=ودي اهدي زهوره للخوي المبتدي الرفيق الذي بعثر تباريحه بخور=طيب الله فاله مانطق بالردي ياسلامي سلامن ذاب فيه الشعور=لين صار الحكي شعرن يحرك يدي المحبه صداها بين الاجواد مخبور=والوصل موجةن لو تنتهي تبتدي كم شراعن نصبته فوق متن البحور=والرياح ابعدت بي ماتحقق مقصدي لو يجدف مرادي ماقويت العبور=في زمان التحدي والظروف اتحدي والا طعم التلاقي بلسمن للصدور=كل شوقن بروحك عندنا له لدي القصايد احاسيسن تشكل جسور=القدم لو تحرول جتك الاشواق تعدي يامحمد بالمحاني خامداتن لو تثور=تحرق الحاضر وذكرانا بدلها تقعدي صاحبي ليتك بدنيا كلمافيها سرور=ياعسى راسك وروحك للسعاده ترتدي والا انا روحي ذبحها راعي الرمش الجسور=كلما سلهم بعينه كل هالدنيا تغدي :027::067: |
لا ذكرت الرفاقة في ليال السرور
صحت ياعين هلي دمعتك واهجدي ----- آعجبني هالبيت بالحيييييييييييييييييييييييييييييل .. وصح لسسسسانكك ي ششاعرنا .. القصصيدهـ بصصصصصراحه تجججنن .. وصح لسسان ابراهيـــم وبـــوح .. لاهنتـــو .. :067: |
اقتباس:
هلا ابو تركي صح لسانك قبل بدنك اممممطخ لين تكسر ضلوعك تحياتي |
| الساعة الآن 05:02 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM