|
مرسول
احبائي اعضاء المنتدى الغلا مرض وانا اغليكم كلكم فرداً فرداً وبما انكم مجموعة مترابطة ومتحابين سلّمت زمام الغلا لشخص واحد عشان يقود الغلا للجميع << اتحدى واحد ما يغليه ههههههههههههه ويستاهل تعرفونه من الابيات لكل واحد منكم :067: :067: وفوقها مطختين من اليمين والشمال مرسول
ياطير خلك بيننا شبه مرسول=احمل سلامي واتجه للشمالي واليا وصلت القاع صفط على طول=خلك بالابرق بين هاك الطوالي يجيك زول وحي والله هاك الزول=شخص ٍ عزيز النفس غالي وغالي على فعول الخير والصدق مجبول=يرفا لزلات الخوي والموالي عطه الرسالة واترك الظرف مقفول=كتبت به يا طير مما طرالى شي غشاني يودع الفذ مهبول=وانا مواريي مقرب هبالي الصدر ضاق وداخل القلب معلول=كني بهالدنيا على راس جالي لو كنت جالس باوسط الناس معزول=عايشت نفسي بوحدتي وانعزالي كلٍ جليسه ينقل الهرج والقول=وانا جليسي ماهتنى في مقالي جالس وكن بداخلي جيش وطبول=حشودٍ تصافق بين جالٍ وجالي افكار واحلام وهواجيس وامحول=شالن وحطن واشغلني بحالي واهموم واجروح وتباريح واخيول=دارن وثارن واحرقن ما بقالي وعج واعاصير وفيضان وسيول=منها لبيت الطين ما فيه تالي وحنين قلب وشوق وافتوق واحمول=للي لهم بالقلب منزال عالي اهل الونس عدا لهم حروة الحول=وانا اتحرى جمعهم عزتالي احلامنا عصفور في راس عثمول=من غصنها طارت وزاد احتمالي اخطيت يوم اني حسبته على طول=تبددت مع ساريات الليالي شكل السعادة وصفها وصف هملول=تسقي خضار القلب وسط المفالي العام عشب القلب مورق ومفتول=واليوم ما عينت برق الخيالي ضامي حشا شفقٍ على كل مدخول=اشرب غثا ما فيه عدٍ صفالي بردان كامش لابعد الحد مفصول=موصول منقول القفا باعتدالي لو ساعة ندفا على الكبد وملول=نعيش لحظاتٍ لها ما نبالي نطرب بهالدنيا قبل فوت واحلول=هذا وتال العمر مترين شالي وســــــلامتكم |
ابو عبدالعزيز صباحك خير صباحك رايق مبروگ عليگ الخير
شاعرنا الكبير بيت الطين طبعاً كبير قدراً وكبير حرفاً صح لسانك يابو عزوز صح لسانك ونعم برجال الطيب ونعم بهاك الزول صح.لسانك لين ترضئ ابو عزوز سجل عندك واحد امطخ :067: |
بيت الطين كبير الحرف والتواجد ابو عبد العزيز صح لسانك واعتلى شانك شاعرنا:067: |
اقتباس:
اللهم اني قبلت مطخت ماستر يا صباح الكبير ويا صباح الصغير << ؟؟؟؟؟؟؟؟؟؟ صح بدنك كلما نطقت باسمي اممممممممواح تحياتي |
اقتباس:
ديم هلا وغلا والله لولا الحيا لا اسجل المطخه واكتب لك ابيات شعرٍ من خرابيطي ديم صح بدنتس اسعدتيني بمرورك تقبلي مني:067: تحياتي |
ابو عزوز
ياهلا بك ومساك الله بالخير وياهلا بالحامل والمحمول وبادع الجزلات صح لسانك ولاهنت لاهنت وانت كبيرنا اللي نستقي منه المحبه م ش + ا م ط خ + ورده |
اول صفحه واول اسم ضغطت عليه انت يالغالي بقدرك علينا كلناا
سعيده بابياتك ومشتاقه لتجاذب اطراف الحديث وياك ووياا بوح تحياتي وامطخ علي قولتكم |
صح لسانك يابو عبدالعزيز على هالابيات الجميلة والرائعه جدا
|
اقتباس:
هلا وغلا شرفت الموضوع يا بو تركي غالي وتستاهل والقدر بالصدر ماهو بالحروف بس انك تبطي ما تدخل على المنتدى قلت نحركه تحياتي :067: :067: |
اقتباس:
امطخ لين تقطع الشدوق :067::067: مشاعر :067::067: هلا وغلا وين الناس من زمان ما سعدت بحديثك يالغلا مرورك على موضوعي شرف لي عزيزة وغالية مكانك في سويداء القلب كما كان :067::067: تحياتي لك معطرة بالورد :067::067: |
| الساعة الآن 03:34 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM