|
ياطير
السلام عليكم ورحمة الله
مساكم الله بالخير جميعا شرفني ابو عبدالعزيز بقصيده لايعادلها الا هي ولكن من باب المشاركه حاولت ان اعبر وارد بهذه الابيات التي لايمكن ان تصل الى جزالة قصيدة " مرسول " 7 يامرحبا بالطير ترحيب موصول=للي بجزلات القصايد عنالي اهلا هلا مليار مليون مدبول=ترحيب فاخر فوق وصف الخيالي ياطير من بعد الضيافه لنا قول=يبهج ضمير اللي يحب الوصالي الصاحب اللي ارسل القاف مفتول=هي عاده ماينطق الا جزالي سلام صافي بالرياحين مبلول=سلام عابر للسهل والجبالي سلام طوله عرض والعرض كالطول=مزنن يغطي بحرها والرمالي منشاه من قلبي بالابيات مشتول=بافكار راسن لاقدح مايبالي تسوقه اشواقي على حرف معسول=وتعل تسبدن من ضماها تلالي* ياصاحبي سيف الهواجيس مسلول=والروح تجلد ذاتها بالسؤالي عندي لطعنات الزمن كم كشكول=وانا ادري ان اللي بصدرك حوالي اضحك وانا في داخلي ذيب مغيول=بكفوف عزة نفسي الذيب سالي واليا حسبت الوقت الاقيه منزول=باشغال ماله اول ولا توالي تبقى مشاغل راس والجهد مبذول=والناتج الصافي يزيد انفعالي لاشي يذكر غير هاجوس مجهول=يضفي على نفسي كثير الجدالي وابقى اسيرن بالهواجيس مزمول=اجامل الدنيا بطبعن مثالي تعبت اقول الهم له وقت ويزول=واليوم دست الهم تحت النعالي على الله التكلان والعبد مكفول=يصفي زماني او بعد ماصفالي هي رحلةن مابه للاقدار مدلول=نسعى ونجهل مقبلات الليالي ياصاحبي وصل العزيزين مقلول=من شح وقتي مالقيت المجالي غالي علي ياصاح والشك مقتول=لو عيت ظروفي عزيزن وغالي وياطير من عقب العشا جود القول=وافرد جناحك للرفيق الموالي اسلم وسلم واعطه الظرف مقفول=لامن قرى خطي عرف مابدالي* بيني وبينه حرف الاحساس مبعول=بالطيب والخوه وفعل الرجالي وسلامة من تااابع بوح وجداني :067: |
صح لسانك بوح كِلمة مُبدع شيء , مُستهلكه في عالمك دُمت بخير http://www.htoof.com/vb/images/smilies/154.gif |
صح لسانك ي بوح تستاهل القصيده وابو عبدالعزيز يستاهل مبدعين ومتشوقين نقرالكم دايم :027: |
الله اللله يابوح
صح لسانك مبدع وماقصرت انت وابو عبدالعزيز |
صح لسان صلعتك وصح لسانك يا عزيزي الاصلع
مرسول ويا طير ممتعات جدا و انت تستاهل وابو عزوز يستاهل عفاكم الله وصح السنتكم |
هلا ابو تركي صح لسانك مليون مليون مدبول كفيت ووفيت طال عمرك . وابقا لك الكتاكيت . وعافا لك عودك من كل شر تراي متلخبط ولا ادري وش اقول بين فرحتين الاولة ردك عليّ والاخرى تبي تعرفة من خلال رسالة بالجوال تجيك انشا الله تحياتي :067: :067: :067: |
وعليكم السلام
هلا ابو تركي وهلا بابياتك الجزلات رد جميل ومناسب جدا اهنيك على المحبه واهنيك على الشاعريه صح لسانك صح |
اصعب حكايه
ياهلابك ودامت افراحك / ديم ياهلابك وتستاهلين الطيب / ابراهيم الحربي تسلم يالطيب وصح بدنك / هنووو وانت تستاهل الطيبه كله يابعد صلعتي / ابوعزوز يامرحبا والف مبرووووك الله يديم الافراح على اسرتكم الكريمه / ماجد /مجودي /ابوصبع/الادمن/حسستني/كش عصفور الشجر ... الخ ياهلابك وصح بدنك كثر شعر البنات .... مشكورين الجميع على تشريفكم وتواجدكم ومشاهدتكم ومروركم وشرطتكم وجوازاتكم وكل الدوائر الحكوميه والكهربائيه. ... الخ |
صح لسااانك اخووي
دااايماا قصاايدك مبدعه لااهنت :067: |
الله يسلمك ويسلم غاليك
صح بدنك ولاتهون |
| الساعة الآن 04:22 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM