من عايش حي ولا له مسلي=الا الذي لا من طراله يبكيه
الجادل المجمول زين التغلي=اللي تهل دموع عيني بطاريه
اللي اليا منه ضحك فرحتلي=واللي اليا منه زعل قمت اراضيه
اللي كلامه ياعرب ما يملي=واللي معه قلبي وروحي بياديه
وانا سهرت الليل من شان خلي=وقلبي خفوق ولا لقا من يسليه
اللي اليا شفته وشافن يهلي=اهلا هلابه عد رمل وطا فيه
واهلا هلابه عد وبل يهلي=واعداد نبت والسحايب تسقيه
الصاحب اللي جلسته ما تملي=الغالي اللي كل زين زها فيه
العنبر الصافي زها ريح خلي=والقحويانه ازهرت بين اشافيه
والمسك والريحان والعود واللي=تو المصانع تنتجه كلهن فيه
هو غايتي هو منوتي هو هوا اللي=روحه كما فوق السعاير تصاليه
هو مطلبي هو مرقبي هو مظلي=هو حسرتي هو عبرتي كيف ما ابيه
هو لي حلال بالهوى مشربلي=عد وردته قبل ما احد ورد فيه
روحه نصيب لي وروحي لخلي=وروحي غصن والترف مان يسقيه