|
(( ياحبها ))
السلام عليكم ياحلوين
صباح الهنا :067: كثير حكاياتنا تتشابه ومآسينا بعد . . هالقصيده أول مره أنزلها للنت لأنها خاصه جدااا وتخصني وتخص شخص عزيز على قلبي تفضلوووو أتمنى تعجبكم : ///// يا حبها ما عاد باقي بالصدر حلم وطموح لا ما بقى الا الجروح ويا جرحها ما ملت اعيوني سهر ولمين ابوووح والوقت لافراحي شحوح إلى متى وأنا أنتظر إلى متى هذا الصبر وقتي قضى بين الحلم .. والذكريات وهذي الحياة ابدونها ماهي حياة . . من ايام الصبا .. وروحي قبل عيني تراعي لك كبرت ، وحبك بقلبي كبر .. يا صدق حكايـاتي سقى الله حارة ٍ فيها لقيت الود ايغني لك وانا غنيت لعيونك : وهز الشوق عبرااتـي بكيتك .. ليه يا عمري بتتركني .. احاتي لك غيابك طال ياروحي .. وطالت بي مآساتـي خسرتك .. آه يا كرهي لردى حظي ، ويا حبي لك وانا اشهد يالغلا إنك بجد .. اكبر خساراتي من اول مرة ٍ شفتك ، إلى هاليوم أنادي لك بـــداياتي نهايـــاتك ... ونهايــــاتك بداياتـــــي خيالك ما يفارقني .. أناجيه .. وأناجي لك كثيــــر أسمعك تندهــني ... وتشاركنـــــي خيالاتــي أحبك .. كثر ما مرّ الغرام وقمت أوصي لك حناني / والأمل / وأيامي الغبرا / وصرخــــــــاتـي أحبك .. كثر ما قلبي حلف يصبر ويوفي لك وكثر الليل مـــــا غنّت مآسيــــه .. لصبـــــاحاتي أحبك .. كثر ما أشتقت لدفا حضنك ، وتقبيلك أحبــك .. كثر ما أحتارت من ادروبــك مسافاتــــي من الوحشه : على نورك ، على ذكراك .. أنا أمشي لك وأشوووووووفك ساكن ٍ ما بين زفراتي ونبضاتـــــي حبيبي آه لو تدري ، ودمع العين يحكي لك عن الشوووق الكبير ، وشهـــقة انفاسي ، وآهاتـــــــي طريقك صعب .. والأصعب سكوتي .. وإنتظاري لك يا احساسي ، يا غربالي ، يا صمتي ، يا انكساراتي وسلامة قلوبكم فهــــ:067:ــــــــــــد |
وسلامة قلبك يافهد
قصيده رائعه وتستحق الاشاده صح لسانك الين ترضى ياعزيزي والف شكر لامتاعنا بها دمت بخير وسعاده |
فهد .. ابو فيصل .. حبيب الكل يا حبي لك صح لسانك على هالابداع ما قدرت اقتبس .. كل بيت لا يقل ابداع عن سابقه ولاحقه امتعتنا الله يسعد روحك يالغالي لك ودي و و و :067: :067: :067: بيت الطين |
وعليكم السلاااام ورحمة الله وبركاته
ما أجمل أن اتنفس عبق هذا الإحساس في الصباح الرائع أبو فيصل لست هنا للثناء ولا للإشادة .. ومثلك لا ينتظرها أنا هنا فقط لأرتوي من هذا النبع الصافي / من ايام الصبا .. وروحي قبل عيني تراعي لك ما أصدق هذا الحب .. حب روح لروح أخرى ، يجتمع فيه أسمى معاني الوفاء والتضحية .. ما أقسى أن يصدم مثل هذا العاشق وتتبدد أحلامه بطرفة عين . شعور مؤلم يجتر الفؤاد وقد يفقد العقل . صح لسانك شاعرنا الحساس حبيب الكل \ دمت كما أنت بكل ما تحمله من نقاء لقلبك :067: مودتيـ |
جميله جدا فهد ..
لك تقييمي : ) |
صح لسانك مليووووون يابو فيصل
دايما قصايدك تسكن الروح من اول مرررررة لجزالتها وسهولة الفاضها دمت للابداع عنوان يافهد |
خسرتك .. آه يا كرهي لردى حظي ، ويا حبي لك
وانا اشهد يالغلا إنك بجد .. اكبر خساراتي اكبر خساراتي تفاصيل القصيده موجعه يافهد عندما يترجم الشاعر معاناة غيره بكل هذا الاحساس , يحق للشعر ان يفخر بأمثالك يافهد صح كلك يالطيب :067: |
هلا يا ماجد
تسلم لي ويكفي مرورك وتعطيرك للقصيده وصاحبها لا عدمتك يالعزوه :067: |
بيت الطين
هلا يا محمد تسلم يا حيي وممنووووون لكلامك وتواجدك العطر غلاي :067: |
بيت القصيد
هلا بالغالي هلا يابدرنا وشاكر لك يابعدي نورت القصيدة يابدر لا خلا ولا عدم حبيبي:067: |
| الساعة الآن 04:02 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM