|
أمة المليار مسلم
السلام عليكم ورحمة الله وبركاته
أسعد الله أوقاتكم بكل خير ما بين حلمي والحقيقة ، (أمة المليار مسلم) قصيدةٌ آمل أن تجد لها قبلواً عندكم وأعتذر منكم مقدماً إن سبب لكم طولها الملل .
يالشعر جيتك وانحني قدامي = آنا مليكك وانت من خدامي بقطع بك بحور الخليل العذبه = وبنجدّف بمجداف من اقلامي شرِّع بنات الفكر من جلبابه = خل الفكر فوق السريه سامي ربانك اللي كلِّ بحرٍ خاضه = ربانك احساسي ووحي الهامي لارض القصايد وجهتك وانصاها = ارض الفرايد حدها مترامي ولا تلمس الواقع ولا تدني له = خلك كذا عايش على الأوهامي ما بالحقايق غبطةٍ نرجيها = جل الحقايق حلوها آلامي يالشعر يالله خلنا نتوهم = في حال الأمة أمة الاسلامي باغمِّض عيوني وخل الدفه = يديرها قبطان من أحلامي عادت فلسطين الأبيه عادت = غصبن على القس وعلى حاخامي وارض العراق اليوم مابه محتل = ما عاد فيها قنبله والغامي والشرق الأوسط كلمته مسموعة = وياويل منهو عارض الأحكامي الله يديم العز في امتنا = كل العرب مترابطه باحكامي مثل الجسد لا صاب عضوٍ عله = سَايِرْه يسهر للعضو مَـايْنامي مع يعْضنا .. أمٍ تحب صْغاره = وعلى العدو بحرٍ شديد وطامي خلاص ما عدنا بعالم ثالث = صرنا بالأول امةٍ ماتْضامي والمجد ذا ما جالنا بالصدفة = ما جالنا الا بديننا الاسلامي يومن تمسكنا بحبله نلنا = وعدٍ من الرحمن وعد الزامي أنْ لَنْ يُغَيِّرْ مَا بِقُومٍٍ حَتَّى = تتْغير انفسهم مع الأيامي واليوم ما فينا ولا علماني = يبذر بذور الفسق بالإعلامي وما عاد فينا مرتشي أو راشي = واكل الربا الكلِّ عنّه صامي وما عاد فينا عاري ومتشرد = وما عاد فينا جايع وْلا ضامي الكل منا عايشٍ في نعمة = ومستسلمين لربنا اسْتسلامي خلاص ما عدنا نشوف العاصي = درب المعاصي ما تجيه اقدامي وكل المساجد بالبشر ممتليه = محدٍ ترك تكبيرة الإحرامي وكلِّ بنتٍ فـ امْتي محتشمه = ما عاد فيهن عاريات اجسامي تسعى لطاعة ربنا بالأول = وتنجب لنا شعبٍ من الأعلامي ولّى زمان القَبْيلة فـ امّتنا = مافيه ذا خالي وذولا اعمامي الدين عزوتنا وهو قايدنا = سيفٍ لنا وفي كل وقت حزامي شف امة المليار مسلم صارت = اخوان دين وصفِّها قدامي هي خير امَّة أُخرجت للعالم = للخير..! فيها ميزة الإقدامي تمشي على القرآن هو والسنه = والعقْل عن غير الحقيقة شامي بافتّح عيوني ياشعري وادْرَي = إن الحقيقة غير عن أوهامي عشنا وشفنا بالأوادم ناسٍ = ماهمها الا ميزة الأرقامي هذا يبي سته وهذا تسعه = وهذا يسوم وذاك معهم سامي وهذا لجل شاعر بذل أمواله = تصويت عله يرفع الأعلامي أموال تهدر والحصيله وش هي !؟ = عطني جوابٍ يبرِي استفهامي الغرب وصْلوا للقمر ثم عادوا = والشرق الأوسط من جِمَل لاغنامي هم أطلقوا لعقولهم (عنّتْها) = ولا زالت عقول العرب بلجامي الغرب ناوي للعرب في نية = يضحك معاهم والخفايا جْسامي (فإن شفت ناب الليث لك متبين = لا تحسبن الليث لك بسَّامي) ما قالها المتنبي العباسي = الا بعد علم وخبر والمامي شف امة الاسلام عند العالم = (ناقة) وكلٍ في يديه خطامي تماسكوها وانهبوا خيراته = حتى العظم ما عاد فيها عظامي مدري نلوم شعوبها الكسلانه = والا نلوم الروس والحكامي تبغى الوكاد ان حالنا يرثى له = ما عاد فينا ضيغم وضرغامي لم الحقايق يا شعر واحرقها = خل القوافي عزها باحلامي والا على الواقع/ انا ببصم لك = في جبهة التاريخ وهاك ابهامي ما راح يتبدل وضع امتنا = الا إذا عادت إلى الاسلامي مودتيـ |
قيمتك بدون لآ اقرى القصيده .. وقريتهآ ولو في تقييم قيمتك مره ثآنيه ! ماعندي شي اقوله .. لآن ابدآعك جسسد كل شي فضآعت الحروف , دآئمآ مٌبدع .. شآعر متمكن لآبعد الحدود .. شكرا لك .. لآبدآعك ولآمتاعك لنآ .. مع ان نصك مبكي اكثر ممآ هو ممتع ! بس المتعه انك وانت تقرآ .. تُذهل من كثر ما هالشآعر متمكن ْ .. لك خآلص تحيآتي آخوي بيت القصيد , و ننتظر جديدك : ) |
المبدع بـدر ، ... الله عليك .. والله شاعر بمعنى الكلمه اقتباس:
.... قصيده قويه بمعنى الكلمه [ وماني مستغرب إنها تطلع منك ] لانك جزل وشاعر فحل والإطاله بقصيدتك .. مبااحه |
اقتباس:
استسمنتِ ذا ورم الشكر لك يا شمر على هذا الحظور الفاخر وهذا الثناء الراقي الذي أتمنى أنني أستحق ولو عشره . لا عدمت تواجدك المحبب دمتِ كما تحبين لقلبك :067: مودتيـ |
اقتباس:
صح كلك يالغالي وتسلم يالغالي على هذا الحظور الأنيق والثناء الجميل شكراً لتواجدك هنا لا عدمتك يالغالي دمت بخير لقلبك :067: مودتيـ |
ماشاء الله يالبدر كتبت وابدعت
قصيده تحكي الكثير من الامال والهموم بدايتها حلم ونهايتها حقيقه اوصلت الفكره بوضوح دمت رائع ياعزيزي وصح لسانك مليار |
اقتباس:
تجعل عالم المفروض واقعا ً وعالم الواقع ضرباً من خيال القصيده لم تكن طويله مهما طالت يابدر وياليتها لم تقف لأنك نقلتنا الى العالم الذي نحبه كلنا وبالتأكيد لانريد الرجوع لذلك ليش ماطولت هاااااااه ليش ماطولت عشان ننبسط اكثر << عصب خخخخخ .. لله درك يابدر وصح لسانك وسلم منطوقك يالطيب |
صح لسانك يابدر
قصيدة قاربت الخمسين بيت ولم نشعر بالملل وكل ماقاربت للنهاية اقول ياليتها ماتخلصص انا ان سمحت لي اقدر اسميها ملحمة شعرية كتبت وابدعت وانت يابدر ماتكتب الا الابداع قصايدك جميلة وفاااااخرة تحياتي لك يامبدع |
اقتباس:
الروعة تكتمل بتواجدكم العط رفي متصفحي شاكر لك مرورك وتشريفك لا عدمت تواجدك دمت بخير لقلبك :067: مودتيـ |
البدر صح لسانك
قصيده تلامس الواقع هذا سر جمال طرحك دائمآ |
| الساعة الآن 06:31 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM