ميعاد
ميعاد الليلة الليلة جروحي يطيبني=لي بالهوى مع وليف الروح ميعادي من صاحبي بالهوى رسايله جني=منهن وفيهن طيور الشوق تنقادي يشرح ظروف الغلا قصده يطمني=يشكي عليّه ويشكي وجد وسهادي يانا على ضمته ولهان ومحني=مشتاق له شوق قيعانٍ لرعادي هذي معاليق قلبي له يحنني=من هاجسٍ كل ماوزيه له عادي وهذي ضلوعي على خلي يصيحني=يشكن هوا سيدي في صوت الانشادي وهذي دموعي على خدي يهلني=ما عاد لي حيلةٍ للدمع ردادي صافي مشاريبنا معطي وممتني=ما يكدره لايم وعاذل وحسادي اغليه بس البلا من نزغة الجني =اللي وقف بيننا للود صدادي حادٍ حداني بسهم الحقد يطعني=عسى البلا يشرب عظامه ويزدادي |
الساعة الآن 06:29 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM