احم احم .. والمايك اعطيه كحه=حتى نعرف .. ان الصدى يتبع الصوت
لربما .... من يستمع قال صحه=والا انا ماجيت اغني .. على النوت
بالله .. نح المايك الحين .. نحه=ان ماوصل حسي .. فانا غير مبخوت
السحه التمره .. ولاقلت جحه=لكن وش الزيتون .. لاقلت لك توت
لو كل صوت ٍٍ .. صار مليان بحه=ماتقبله اذني .. ولا ظنه يفوت
الا وحيد ٍ .. قال الاحساس وحه=مثل النسيم .. اللي يعانق له ايخوت
للشوق جمر ٍ .. والتوجد يفحه=والروح من وهاجها .. قالت ابيوت
غصن الغلا .. مهما جفافه يلحه=يبقا خضر .. حتى يولي مع الموت
الزين واضح .. ماجهلنا مدحه=والشين شين ٍ .. لوسكن وسط بيروت
هذا خطا قلب ٍ .. رفض درب صحه=ان قلت له غادي.. يخّيم به سكوت