ولعتني ياناعم العود واقفيت=ما عاد تنشدني بخير وشرا
كشفت عن وجه القمر منك واحييت=قلبٍ خفق يوم استلذك وفرا
شفت الجمال اللي بهرني وغنيت=وشلون ما اغني وقلبي مسرا
الصورة اللي باللقا يوم حييت=غزا خياله ناظري واستفرا
ذاك النهار اللي بغيك تماديت=ملكتني واليوم مني تبرا
اسقيتني لذة غرامك وصديت=حتى الحلا بفمي غدا اليوم مرا
لو تعلم اللي صابني ما تخفيت=حن الخفوق وصابه اليوم ضرا
ياما لمرسالك وصوتك تحريت=خليتني مثل الهبيل اتحرا
في شعري المزون باسمك تعزويت=يجرني للشوق بالحيل جرا
كتبت فيك اشعار بيتٍ ورا بيت=وحطيت لك ديوان داخل وبرا
يا شيخ والله لو تبي كل ما جيت=اكتب بدم القلب لك ما يسرا
يا ليت من فنجال بنّك تقهويت=ومن دلتك شريان قلبي تورا
او كاسةٍ تحيي بها قلبي الميت=نعناع ذوقك بالصميم استقرا
يا موك يا كوكتيل او ياكوفي ميت=ابشربك لو كنت بالحلق مرا

يا ليت من فنجال بنّك تقهويت ومن دلتك شريان قلبي تورا

المشاركة الأصلية كتبت بواسطة بوح وجداني (المشاركة 39617) عزالله انك يوم بالقاف غنيت ........ رحلت بي عن واهج الهم برا برا الى بر العذوبه ولا جيت .......... الا بعد ماقلت ( بالحلق مرا ) شكراً جزيلاً عد ماطافو البيت ....... ياشاعرٍ يبدع من الراس درا بالموك والكوكتيل ثورت عفريت ..... بين المحاني جر الالحان جرا يقول ليت التوت مذكور بالبيت...... ولو تذكر الرمان تكفى تدرا اخاف اذوق بلوك متبوع ديليت...... ويبندن هيبة ملك واتعرا :018: اكثر من راااائعه لاوالله قصيده عذبه تسلم ويسلم احساسك وصح لسانك يابوعزوز :067:

المشاركة الأصلية كتبت بواسطة ديم (المشاركة 39625) صح لسانك ي شاعرنا حرفك عذب ي بو عبدالعزيز يحرضنا نقراه ,,:067::067::067:

المشاركة الأصلية كتبت بواسطة انا هو انا (المشاركة 39626) صح لسانك ياشيخ واعتلا شانك قصيده مليانه صور تسلم والله

المشاركة الأصلية كتبت بواسطة مشاعر هاجريه (المشاركة 39644) قصيده راائعه بل أكثر من ذالك وخصوصاا ياامووك اعجبتني أقوى شي صح الساانك

لو تعلم اللي صابني ما تخفيت=حن الخفوق وصابه اليوم ضرا