ياطويل الدرب
ياطويل الدرب
ياطويل الدرب لاتنشدن ويش العلوم=خلها في خافقي لاتحاول تجبرن الا كانك لي رفيق ٍ على سري كتوم=فالمثايل من ضميري لصدرك حدرن والله اني مثقل ٍ في مجاهيم الهموم=الله اعلم والله اللي عليهن صبرن ماتدوم احوالنا ماتدوم ولايدوم=الا رب ٍ له حروفي خضوعا ً كبرن الله اكبر نذكره كل ساعه كل يوم=والله اني لاذكرته همومي يصغرن لكن الدنيا صواديفها مثل السموم=اتذرى بالصبر والرياح يغبرن ارتجي ربي يلبد سمايا بالغيوم=علهن لا امطرني هجد ماكدرن ياطويل الدرب طبعي عن الطامن يشوم=لي جناح ٍ لا لمح كل عوجى طيرن عن مكان ٍ به رخوم البشر دايم تحوم=السبايب ما اخوضه ولاهي تعسرن ياطويل الدرب كفن علومي بالهدوم=وادفنه بالوادي اللي يسمونه ارن وان رجعنا قلت هذي تباريح امهموم=الله اللي بدل الحال والله قدرن بالسفر همي وقع مثل ماتوقع نجوم=السما تبقا سما والصحاري ينطرن ياطول الدرب لاتلمس آثار السهوم=خلها وسط المحاني بلاش اتذكرن ياطويل الدرب دامك خويي لاتلوم=ودي انسى واتناسى وليتك تعذرن وسلامة من تااابع بوح وجداني |
الساعة الآن 10:21 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM