بلغو من حَبنا صافي سلامي=واخبروه ان الغلا مانقطعه
ان بقو هذا السعد واقف امامي=وان جفو مرن وعلقم نجرعه
من سببهم حاربت عيني منامي=والدمع يذرف ولا اقدر امنعه
وان تغطا واختفى وحط اللثامي=اشهد ان الزين راسي يرمعه
لو توارى يالغضي عنكم غرامي=حبكم في كل يومن نزرعه
الوفا طبعن ورثته من عمامي=والذي يافي معانا نسمعه
كيف لاصار الوفي غاية مرامي=اترك الباقين خلفي واتبعه
ساعتي تمشي وانا وقتي حرامي=والقلوب الصامده نبقى معه
والهوى من يتبعه هالك وضامي=دلوكم وان طاح نقدر نرفعه
والطريق اللي عليه العشق دامي=والجريح ان طاب مابه منفعه
من وقع بامر الهوى عاشق عصامي=الوحيد اللي حياته مصرعه