جاني الجاني ورماني في مكاني=صرت أنا الجاني وأنا المجني عليّه
صابني سهم الهوى بين المحاني=من عيونه ترسل سهوم المنيّه
شاقني فيها الجمال الكَهرماني=بين خلق الله حشا ماشفت زيّه
ريقها طعم العسل والمودماني=خلف شفه كنها فتحة خليّه
لمّحتلي كنّها تطلب حناني=جـيتها مرتاح من نفسٍ رضيّه
إن منعت القلب لايعشق عصاني=وان تركته عششت فيه البنيّه
كم نهيت القلب وقلبي مانهاني=طعتها واغليتها وطحت بيديّه
كنت انا الوافي لها طول الزماني=يوم كلن كان يغدر في خويّه
ليتني ماشفتها مع شخص ثاني=قالت اسمح لا تسيئ الظن فيّه
ليتني ميّت ولا ذقت الهواني=ارحم المقهور يارب البريّه