يقول اللي لعا يشكي صوابه=وجرحة بالحشا زاد التهابه
انا وش حيلتي قلبي متيم=سرابه بالهوى هم سرابه
سقاني صاحبي من مبسم له=وعذبني عذاب من عِذابه
شبكني بالهوى غصب عليه=واثار الحب مزروع برضابه
اعلل خاطري واكذب واداري=واردد بالاماني وين بابه
تفرقنا و تجمعنا الليالي=وتسعدنا الليالي في جنابه
اليا منه طرا لي هل دمعي=كما الهملول من وسط السحابه
تطول ابنا الليلي لا فترقنا=ويقصر بالهوى ليل اللقابه
ازج الصوت من شي بروحي=اليا من الغضي طول غيابه
اذا غاب اريش العينين ليله=يصير البيت من عقبه خرابه
واناجي بالهوى كل الزوايا=اليا طال الفراق من الصبابه
واليا مني لقيته قمت اهلي=هلا به ياهلا به يا هلا به