الطير طار .. (شيله)
 

السلام عليكم

سمعت هاللحن واعجبني وخاصة لما تغنى فيه بوح وجداني

بنيت عليه هالبويتات وشلته يارب يعجبكم الكلام والصوت

(( الطير ))

---------------

----------------------
http://www.hailna.com/m/swt/swd3.mp3
------------------------------------

البارحه بالليل جاني هاجــسي يشكي ضمــاه
ذكــرني في وقــتٍ مضى ســود الليالي ودته

قلبي غــدا من عقبها بيــرٍ وناضــب منه ماه
راحــت وهي تبكي على وقـتٍ قطفـنا وردته

الطير طار ومانــزل بالــدار والــرامي رماه
ياليتني صــوبتـها مــن قــبل تبـــدي صـــدته

ماناض برقٍ بعدها والارض ما طقطق سماه
ماتــت عــروقي في خفــوقي والمنـايا شــدته

سلمت للهاجوس راس وعين راحت في عماه
الــراس شاب وماشــبع والبعــد طالـت مـدته

اطلـب من المولى عسى ياقـاه شـرّي ويحماه
عــيني علــيها بارده والشــوف خـفـّت حـدته

وسلامتكم

اخوكم / ماجد العبدالله الشمري

الله ابيات على الجرح
صح لسانك وعلا شانك وسلم نبضك
شاعر متمكن ولاهو غريب عليك هالابداع
متابعه لك منذ زمن
تقديري لروحك

عطني المحبه

تسلمين ياخيه وصح بدنك يالطيبه

الف شكر لحضورك والاشاده

دمتي بخير

الطير طار ومانــزل بالــدار والــرامي رماه
ياليتني صــوبتـها مــن قــبل تبـــدي صـــدته
/
رااااااااايق يارجل
الهدووووء باللحن مناسب لمعنى القصيده
ماشاء الله عليك
صح لسانك وسلم هالصوت

حبه على راسك
و
حبه على خشمك

صح لسانك صح لسانك صح لسانك صح لسانك
وعلا شانك
سبحان من اعطاك لذه السان وحلاوه الفكر وخفه منطق وقوه معنى في ابياتك
قريته من الاب والمقطع ما اشتغل والرابط معطوب قلت اقراء وارد وبعدين افتحه من الايباد بس يوم قريته قلت لازم اسمعه
تصدق اني قمت اردد معك الابيات
تعرفني ما اجامل انت شاعر والحن والهداوه بشيله عطتها بعد ثالث
ياخي اتعب وانا اقول صح لسانك
تقيم + شكر + :067: ماتوفيك
<< جازت لي حيييييل

بوح وجداني

ومن قال يبقى ويسلم ياصديقي

صح بدنك ولاهنت يالطربه

امواااااه

ماااااااستر

وااااااااااو حتسيك يهبببببل هههههههههه

مشكور يالعشيررررر ولاهنت ياجدي

ايوالله اعرفك وهذا اللي راح يساعدني ارتقي اكثر

تبي ادنق تبوووس ههههههه او شرايك تمسك راسي وغوغو يبوسه

<< يضرب تحيه وسلام لك ولردك ياغالي

ديم

الوافي حضورك وكلامك الطيب ياخيه

اشاده اسعدتني كثيرا

صح بدنك ولاهنتي ياغاليه