انا يوم اتذكر في زمان امي واهذريبه=يجيني من خيالي سيل افكر به بدون حساب
افكر من طلوع الشمس ولين الليل يمسي به=زمانن راح ما ينعاد وما عقب الغروب غياب
احب امي وصورتها وسط قلبي اماريبه=احب امي واحب اكتب حنونه فوق كل كتاب
غذتنا يوم كنا صغار وربتنا بتهذيبه=تنومنا وسط عينه وتسهر والغطا الاهداب
والى منا بغينا حاجتن في منتهى الطيبه=تقدمها ولا تبخل ولا تبدي أديم اسباب
وكانت امنا عبره لنا يازين تأديبه=تعلمنا امور الدين وتنصحنا بدون عتاب
وكانت دوم تجمعنا على الجمعه توصي به=وتكره كلمة الفرقا ولا فرقا مابين اقراب
طلبت الله يجنبها عذاب النار ويثيبه=وتسكن جنة الفردوس ومسكن سيد الأحباب
من انهار الجنان الخلد يرزقها مشاريبه=وتأكل من ثمرها خوخ والرمان والأعناب
الا يا منزل القرآن وآياته وترتيبه=تلم برحمتك عبدن نصاك وما ترك لك باب