صرت شاعر لالا لالا صرت فنّي=من سمعني قاللي يازين فنّك
ما درو إن القصايد ماهي منّي=القصايد كلها ياروحي منّك
وصفها فاق التخيل والتمنّي=ليتها الايام تعطي ماتمنّك
شفتها عضيت صبعي وطاح سنّي=باول العشرين ذا عمرك وسنّك
العيون السود لامن طالعنّي=ارتبك وانخى عيوني يطالعنّك
والشعر لسفل ظهرها ياحمنّي=ذكر ربي والقرايات يحمنّك
ورقبتها مثل عنقن قابلنّي=في فلاتي وارمهن لاقابلنّك
وان تبسم انقلو المكتوب عنّي=قولو وسط المعركه ويذود عنّك
البنات وفي هواهن ما اغمرنّي=بي مشاعر ياحياتي يغمرنّك
عن هوى الخفرات انا راكبني جنّي=مايكافح بالهوى لشاف جنّك
ياحبيبي حب غيرك ما يطنّي=لاتغار ارفق علي يخرب مطنّك
الليال المقبله لامن نونّي=اذكريني يالغلا لامن نونّك
صرت شاعر لا وهيجن صرت اغنّي=مرسلن صوتي يجيك وفي مغنّك