الشخص
من قصائد المرحة الثانية (الجديدة) انا داخلي شخصٍ تغير عليه الوقت=سكن بين جدران الزمن بالشقا مكبوت اعبر عنه بابيات شعرٍ عليها اشرفت=اسليه عن هوجاس واداريه قبل الفوت اليا من همسلي قلت يا سيدي وش قلت=يجلجل بليحان الضلوع ويجر الصوت يدور ويحور بدايرة ويحداه الصمت=شكورٍ صبورٍ يشتري بالكلام سكوت صبوحٍ سموحٍ ما اشتكى من ردي النبت=شحوحٍ لحوحٍ نابذ للردى الممقوت صريحٍ مريحٍ من كلامٍ يجيب الغمت=جريحٍ طريحٍ من تباريح فيها الموت جمولٍ خجولٍ يشتكي للحيا بالكبت=ملولٍ زعولٍ لا سمع هرجة السفروت رحومٍ كتومٍ عنده السد حد الثبت=لزومٍ خدومٍ للوفا من عطاه يشوت بعيدٍ عنيدٍ ما يداني جليس الشمت=سعيدٍ شديدٍ داس فوق الغثا بالبوت ونيسٍ جليسٍ بين حد الولد والبنت=حسيسٍ هميسٍ ما رفع بالحكاوي صوت طفوقٍ خفوق القلب يسرح بدو الخبت=شفوقٍ عشوقٍ والغلا بالضلوع يفوت بكا واشتكا من علة تستبيح السمت=تكا وارتكا واستقعد الجرح بالتابوت تحسس توجس من سواليف بعض الربت=تحلس تملس يبتغي حظه المبخوت تراما تطاما فوق موج البحر باليخت=تساما تهاما هل مثل السحاب بيوت يزلزل يغلغل لين لان الصوان الصلت=يهلل يجلجل في ليان الوطا المسحوت تحامل تعامل مع حياتة بطول الصمت=تكامل تهامل من عيونه حجر ياقوت شرب من مرار الود عذب الهوى بالطست=تخيل حلاته من مراره شراب التوت عليه الله اكبر كل ماقلت له لو تبت=تلعثم وقال الله يجازيك يالعكروت وســــــلامتكم |
الساعة الآن 05:33 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM