المحتضر انسان في داخل انسان=والجاني القلب المعلق بقلبه
والخافق النابض يغذيه شريان=شريان عاشق مايساوم بحبه
والشاهد احلامي وتغريب الاوطان=يكتب تفاصيله نزيف المحبه
في عالمن مايسكنه غير حيران=بين المحال وبين احضان قربه
ليلي مع اطيافه اغنيه ولهان=لحن الغلا والشوق روحي تهبه
حتى يجيب الليل قمراه وتبان=ملامح الدمعه واداري مصبه
احبس نزيف الروح واتم سهران=حتى يخدرني صباحي بطبه
طب انشغالي واصطناعي لنسيان=واليا رحل يومي وليلي تنبه
اجادل الظلما واطيعه وتعصان=مره اعاتبها ومره اسبه
طب التناسي ماينسيك انسان=الا اذا نبض المشاعر تكبه