لاتعتذر مسموح /انا عنك راضي=وشلون ابزعل منك /يابلسم الروح
اللي مضى باقي /ولو صرت ماضي=روّح فمان الله /مسموح مسموح
حكم القدر ..مافيه اي اعتراضي=حتى ولو من سبته تنزف جروح
شكيت حظي ..بس مافيه قاضي=يامحكمة دنياي من ينصف البوح
ان مات حبي ..فالكفن من بياضي=والروح قبرٍ له /وزواره النوح
دمع الوداع ..اغرق زهور الفياضي=مات الزهر /وانا ورثت اعذب الفوح
من عقبك الروح اجدبت والاراضي=قلب المفارق للمطر حيل مشفوح
لامن ذكرتك ..ماقويت التغاضي=اكتم حنيني ..لكن الوجه مفضوح
ياحبي الصادق /انا عنك راضي=هذا عشان ارضيك ..عادي لو تروح