تذاكير
من القصائد القديمة
هات القلم والبوك واكتب كلامي=يا عاذلي كله تذاكير محتار ابا اتمثل وانته اكتب مادامي=بان الخفا مني وانا بكشف اسرار البارحة فارقت حلو المنامي=قضيتها ياخوك سهر وتذكار سهران انا كني كسير العظامي=لاهو جبير ولا لقا اي جبار ياللي تجونه بلغوها سلامي=قولو لها قلبي كما انه على نار فارقتها وفارقت حلو الطعامي=لايستساغ وتقل زود بالامرار لا انا بهرج ولا كثير الكلامي=اخفي بصدري علة كلها نار الخلق حولي كالجراد التهامي=ولا همني واحد ولاني له اغار اخفي ولا احد داري وش علامي=وانا المريض اللي بحب الغضي سار ياللي تلوم وزودن في ملامي=حذرا تلوم اللي مريض ومحتار وانا ادري انه مادرا وش مرامي=وانا سبب قلبي عديم بالاقطار اصبر وانا قلبي من الهم دامي=لولا الصبر قلبي مع الطير كد طار لولا الحيا لضرب دروب المضامي=واهيم لين القى حبيبي على الدار واشفي غليلي منه ورق الحمامي=يا شبه طبي من الصياييد ذيار حبه بقلبي لز له كم عامي=وقلبي عليل منه دايم بالاخطار لا شفتها فزيت لو في منامي=وونيت من جوف به الهم دوار ديار بها الغالي سقاه الغمامي=جعل المطر فاله وتزهر بنوار المستجدة جعلها للسلامي=يسكن بها المحبوب زاهي بالانوار هي ديرتي لاجيت اهلها كرامي=لا جيتها حيوك اكبار واصغار هي ديرتي لو الخلايق نيامي=تلقى اهلها للخطاطير سهار تلقى عفيف النفس حلو الكلامي=وتلقا خفيف النفس في حين الاخطار هي ديرتي حبة بقلبي دوامي=منساه لين الموت ينزل بالاقدار هي ديرتي ديرة هلي مع عمامي=ديرة خوالي امضوبها اجدادي اعمار وصلو على المختار سيد الانامي=محمد الهادي و يشرق بالانوار وســــــلامتكم |
الساعة الآن 04:45 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM