العيون اللي خطف شوفي سواده=وسعها ضييق على الباقين شوفي
في شعـرها عـذبت حتى الوساده=والمـرايه تشهـد لزين الوصــوفي
جسمها ميزان صايغ للقلاده= عنقها عنق الغزال ام الخشوفي
حسنها بالكون محتل الرياده=الجمال اللي سكن عقلي وجوفي
من حلاها ذقت انا سكر زياده=من غلاها بالوعد والعهْد نوفي
اطلب الله ماتفارقها السعاده=اسعدتني قدّرت وضعي وضروفي
لجنة الحكام اعطتها الشهاده=في عباد الله والعشاق روفي
من سببها صرت اراجع للعياده=قلت للدكتور انا لوني مخطوفي
قال طبك عندنا مامنه افاده=حبةٍ منها مسا تبري شغوفي
واعلنت عقب الوصل حرب الاباده= واكتفت تقراء مع الغيبه حروفي