بليله من ليال الشوق طرا لي طاري الولهان=ركبت وكل ما فيني تباريح والم وجراح
سريت وقلت يا قلبي توكل والعن الشيطان=نويت لوجهة فيها رفيقٍ بالغلا بواح
يرحب يوم لاقيته يهلي بي هلا يا فلان=غلاه يزود في قلبي .. لشوفه ناظري يرتاح
على راس ابرقٍ ما بين حد القاع والهملان=تفرشنا رمالٍ صافيه تحكي نقا الارواح
سوالفنا تعبر عن مشاعر حب .. سمو اشجان=يدور بنا الفلك في ذعذعٍ يرسم لنا الافراح
على نار الحطب ضبّط لنا من دلته فنجان=على فنجانه اتضبّط دماغٍ ساكنيه اشباح
تقهوينا وسولفنا وشربنا الشاهي الخدران=تعدينا حدود الهم .. كسرنا حاجز الاتراح
يغلف جونا شعر كتبنا فيه بالديوان=تسامينا بانفسنا رقينا يوم كلٍ طاح