القمرية
القمرية
قمرية غردت جتني وحبيته=من عقب الامحال جت عندي وغذتني قمرية جابها الرحمن حييته=تحية من مشت لين انها جتني ياسعد قلبي بها والروح هنيته=تجلى همومي اليا منه تولتني قمرية القلب لا جا الليل مسيته=احلى ليال التماسي يوم مستني قمرية القلب بالديوان سميته=قصيدة من بيوت الشعر سرتني لا ضاق صدري زهمت وثم ناديته=تقول طيب بصوت فيه علتني قلت احضري مجلس للحب خليته=جتني على اطراف اصابعها وضمتني قمرية القلب زهرة فل شميته=في لونها راحة للعين شدتني قمرية القلب لاجيته وخميته=حطت يديها ورا كتفي وخمتني قمرية القلب وان قربت وصيته=تحط قلبي بيدها واستدرتني قمرية القلب طاعت لي ولميته=له لذة بالهوى يا ناس شاقتني قمرية القلب لو تطلبني اعطيته=مافي يميني على شان انها اعطتني قمرية القلب بالدنيا تمنيته=واضنها بالهوا مثلي تمنتني قمرية القلب وسط القلب حطيته=لا والله الا خذت قلبي وصادتني قمرية القلب تبكي يوم وديته=من كثر الاشواق تبكيني وبكتني قمرية القلب راحت ماتهنيته=سود الليالي على فرقاه حدتني ذكراه بالقلب لا حيه ولا ميتة=عايشها في ليال الحب وارضتني قلت آه جرحي عقب فرقاه داويته=من طول الايام بالنسيان لهتني ايامنا عوكست غصب وخليته=قلبي يبي قربها لو كان خلتني وســــــلامتكم |
الساعة الآن 02:59 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM