منتدى حايلنا

من قصائد المرحة الثانية (الجديدة)

وش لي بطرد الهوى وش لي=طرد الهوى عنه انا سالي
لي صاحب بالهوى بشلي=اغليه بقفاي واقبالي
اغليه ما يوم كشكش لي=كل الغلا ياهوى بالي
حبة بوسط الحشا حشلي=متزبر كنه اجبالي
دايم على الكف ينقش لي=خضابة على شان يحلا لي
اللي اليا غبت طرش لي=رسالة لي بجوالي
واللي اليا جيت يفرش لي=صدرة وعضدة وهو سالي
هلا ورحب و وشوش لي=تحيته يا بعد حالي
اليا اشتاق بالعين يرمش لي=حتى اني اشتاق له تالي
واليا تزيعلت همش لي=في صفحة المبسم اللالي
ارضى ولو كنت مهتشلي=وانسى الزعل وارضي الغالي

وســــــلامتكم