سواد الليل ..وش عندك ..تراها خربة الاخلاق=بلاش من السكات اللي يجيب ..الهم والتكدير
انا ..ياما مليتك بالسعاده ..لين جوك راق=لزوم انك تواسي من رماه الضيق ..وسط البير
ترى ماني اسير ٍ للكدر ..لو غصت للاعماق=ولكن قلتها لك .. واصف ٍ حاله ..بلا تكبير
نعم حاله تمر الناس .. وياما ذاقها من ذاق=وانا من عرضهم ..لكن اصور حالتي تصوير
دوام الحال للخالق ..تعالى ربي الخلاق=ولكنا نضيق ..ولانلاقي للضيّق ..تبرير
على فكره .. ترى ساعاتك اللي جمرها حراق=اعديها بذكر الله .. واطيّر همها تطيير
يصيب المسلم احيانا ً ..امور ٍ تكسر الخفـاق=ولامنه .. ( تمعن نعمة المولى ) .. تفاءل خير
فسبحان الذي لامره نطيع .. ونحني الاعناق=الا في ذكره ..النفس الكسيره .. ماتبي تجبير
سلام الله على الدنيا.. سلام ٍ .. راعد ٍ ..براق=سلام ٍ يروي السامع .. ويفهم وارد التقرير