نبض الحنين
نبض الحنين
على نبض الحنين .. اللي يدوّر بالشعر بسمه=رسمت احساسي المنفي .. بصوت ٍ ضاعت الحانه غلا روحي .. ونبض الخافق اللي هل بك وسمه=عسى ارضك تهوجسبي .. وعطشى حيل وديانه انا جيتك من الماضي .. ومركب رحلتي نسمه=كما طير ٍ .. على ظهر الهوى .. تمتد جنحانه يبي يقطع مشاوير العنا .. لو ينبري جسمه=يرود الماضي الغابر .. وينسى الهم واحزانه احبه والمحبه .. ساطي ٍ في خافقي وسمه=وسم لاشافه احساسي .. تحرك جيش وجدانه لساني مايساعدني .. ولاينطق سوى اسمه=وبشفاتي ( الف حا با وكاف ٍ ).. تزفر اشجانه ادور مايطيب خاطري .. من كلمة ٍ دسمه=وتفزع لي عيوني بالحكي .. ويرد باعيانه رسمتك يا احاسيسي .. وتبقى رسمتي رسمه=نظرها من نظرها .. والعنا في روح فنانه يقولون الغلا .. امر ٍ طبيتي نقدر انحسمه=وانا اقول استريحو .. مالكم بالحب وجنانه يشيخ الحب مايرحل .. ولو تتعارض القسمه=ويبقى القلب مسجون ٍ .. وصدق الحب سجانه وسلامة من تااابع بوح وجداني |
الساعة الآن 10:51 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM