وشتبي هالناس ..مدري وشتبي=مادريت ان الذكا ..خلفه غبا
(الغبي)..مالومه ان كانه غبي=لا ارى انه يعاند لا ابا
(والذكي)..لامن كفر في مذهبي=قلت له ياقاصر العرف..تهبا
كفي المنطق ..وصدقي مخلبي=ويل منهو عن مبادينا ..صبا
مطلبي واضح ..وغيره ما ابي=بررق بنفسك وتفهم وش نبا
مشرقك هذا ..مآآله مغربي=(والحقيقه)..ماهو لازم تصلبا
للفهامه.. لو على الصدر تحبي=يكفي انك تقترب ..ماتهربا
(العواجه)للسنع ..ماتقربي=من يبرر (للحماقه)..يكذبا
(الغبا)..باللي مخيخه يسلبي=(والذكا)..عقل الغبي لايسلبا
من بغا يلعب ..فهذا ملعبي=فيه كاس ..وفيه ناس ٍ تلعبا
مايفوز اللي طباعه ..تقلبي=هذا ..لازم من سجلي يشطبا
يستحق الفوز منهو ..يتعبي=في سبيل انه لكاسي ..يقضبا
ماجبرت اللي يحاول ..يهربي=ماحرصت الا على ..حلو النبا
الخوي الناصح ..الحر الابي=الوفي اللي على الطيبه ..ربا
ما اقول اني على العالم ..نبي=بس انا ..من شي شفته اعجبا
(الجهل)مثل الدبا يدبي دبي=وش مصير اللي على (عقله)..دبا
ياترى هالناس هذي.. وشتبي=هو صحيح ان الذكا ..خلفه غبا